Linde Beer

in Wikipedia, die vrye ensiklopedie
Jump to navigation Jump to search
Question book-4.svg Hierdie artikel bevat nie ’n bronnelys nie, wat beteken dat die inhoud nie geverifieer kan word nie.
Enige bevraagtekende inligting mag dus ook mettertyd verwyder word. Help Wikipedia deur betroubare bronne aan die artikel by te voeg.

Linde Beer is 'n Suid-Afrikaanse skrywer.

Lewe en werk[wysig | wysig bron]

Linde Beer matrikuleer in 1972 aan die D.F. Malherbe Hoërskool in Port Elizabeth en studeer dan verder aan die Universiteit van Port Elizabeth (tans Nelson Mandela-universiteit). Sy behaal in 1975 'n B.A.-graad met 'n onderskeiding in Afrikaans-Nederlands en Engels as haar ander hoofvak. In 1976 behaal sy die B.A. Honneurs-graad in Afrikaanse prosa en poësie met lof. Sy studeer voltyds vir haar M.A.-graad, wat sy in 1978 behaal met 'n verhandeling oor Kleur in die Afrikaanse poësie, terwyl sy ook van Januarie 1978 tot Junie 1978 as deeltydse lektor in die Departement van Afrikaans/Nederlands (UPE) optree. Van Januarie 1980 tot Februarie 2002 is sy dosent in Afrikaans in die Departement van Moderne Tale aan die Universiteit van Zimbabwe in Harare. Sy keer dan terug na Suid-Afrika, waar sy in 2003 kontrak-dosent en vanaf 2007 permanente dosent word aan die Departement van Afrikaans & Algemene Literatuurwetenskap by die Universiteit van Suid-Afrika. Aan hierdie universiteit registreer sy in 2009 vir 'n doktorsgraad (D.Litt. et Phil.-graad) met 'n studie oor Afrikaanse tekste oor die destydse Belgiese Kongo (DRK). Hierdie proefskrif word in 2018 voltooi en aanvaar.

Sy lewer verskeie referate op internasionale en plaaslike kongresse, insluitende “Black Afrikaans Writers” by 'n konferensie in April 1999 aangebied deur die Canadian Association for the Advancement of Netherlandic Studies (CAANS) by die Universiteit van Waterloo in Kanada; “Van  Kaapstad tot aan die Ubangi: die representasie van Afrika in die vroeë reisbeskrywings van D.F. Malan, Johannes du Plessis en Gijsbertus Seubring” by die September 2010 konferensie van die Afrikaans Letterkundevereniging (ALV) by die Nelson Mandela Metropolitaanse Universiteit in Port Elizabeth; en “Met een goed geloof en een goeden wandelstok kan men door Afrika reizen: Een toer door Afrika (Johannes du Plessis)” by die September 2012 konferensie van die ALV by die Universiteit van Suid-Afrika. [1]

Skryfwerk/publikasies[wysig | wysig bron]

Sy skryf vroeër verskeie studiegidse vir sekondêre skole in Suid-Afrika, insluitende Woordwêreld (oor A.P. Grové se versamelbundel Hoogtepunte in die Afrikaanse verhaalkuns), Nederlandse perspektief (oor Ina Boudier-Bakker se novelle Kinderen), Die mensheid en haar weedom (oor Frederik van Eeden se De kleine Johannes), Die verre slagveld[2] (oor Karel Schoeman se novelle Slagveld) en Die individuele metode (oor Keur uit die verhale van J. van Melle). Artikels van haar verskyn in Mei 1978 in Tydskrif vir Letterkunde (“Wie is Bonga?”) en in Progressio (2013) getiteld "The Unisa excellence in tuition awards - a case study" (oor die skryfproses wat gevolg is vir die AFK1503 studiegids waarvan sy in 2004-2005 die hoofredakteur was.

In September 1997 verskyn twee essays in die nuusbrief van die Southern African Association for Dutch Studies ("Nederlands in de wereld – 'n Zimbabwiese perspektief op die Itala-ervaring".

Verwysings[wysig | wysig bron]

3. Beer, L. 1997. Nederlands in de wereld – 'n Zimbabwiese perspektief op die Itala-ervaring. In: Van der Elst, J. (red.) Handelingen Colloquium Nederlands in de Wereld. 2-4 juni 1997. Potchefstroom: Suider-Afrikaanse Vereniging vir Neerlandistiek, 42-44

4. Beer, L. , Broodryk, F. & Lombard, E. 2013. The Unisa excellence in tuition awards - a case study. Progressio 35 (1): 72-90