Lionel Scaloni
| Persoonlike inligting | |||
|---|---|---|---|
| Geboortedatum | 16 Mei 1978[1] | ||
| Geboorteplek | Pujato, Santa Fe, Argentinië | ||
| Lengte | 1,82 m | ||
| Speelposisie | Regteragter, regse middelvelder | ||
| Klubinligting | |||
| Huidige klub | Argentinië (hoofafrigter) | ||
| Seniorloopbaan* | |||
| Jare | Span | Kere† | (Doele)† |
| 1995–1996 | Newell's Old Boys | 12 | (0) |
| 1996–1997 | Estudiantes | 37 | (7) |
| 1998–2006 | Deportivo La Coruña | 200 | (14) |
| 2006 | → West Ham United (leen) | 13 | (0) |
| 2006–2007 | Racing Santander | 30 | (1) |
| 2007–2013 | Lazio | 52 | (1) |
| 2008–2009 | → Mallorca (leen) | 28 | (0) |
| 2013–2015 | Atalanta | 15 | (0) |
| Totaal | 387 | (23) | |
| Nasionale span | |||
| 1997 | Argentina o/20 | 7 | (2) |
| 2003–2006 | Argentinië | 7 | (0) |
| Spanne bestuur | |||
| 2018 | Argentinië o/20 | ||
| 2018–2026 | Argentinië | ||
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Lionel Sebastián Scaloni (gebore 16 Mei 1978) is ’n Argentynse professionele sokkerafrigter en voormalige -speler wat tans die hoofafrigter van die Argentynse nasionale span is.
Hy is gebore in Pujato in die provinsie Santa Fe en het sy debuut as speler vir Newell's Old Boys in 1995 gemaak.[2] Hy het die grootste deel van sy professionele loopbaan in Spanje deurgebring, hoofsaaklik by Deportivo de La Coruña, waar hy die Spaanse ligatitel van 1999/2000 en die Copa del Rey van 2001/02 gewen het. In totaal het hy 258 wedstryde en 15 doele oor 12 seisoene in La Liga vir drie verskillende spanne gespeel. Hy het ook vir verskeie jare in Italië gespeel, by Lazio en Atalanta, voordat hy in 2015 uitgetree het. Internasionaal het hy vir Argentinië op o/20-vlak gespeel en sy debuut vir die senior span in 2003 gemaak; hy het sewe kappe vir die span tussen 2003 en 2006 verwerf en was deel van hul groep vir die Wêreldbekertoernooi in 2006.
Scaloni het in 2016 ’n afrigter geword en as assistent begin by Sevilla FC en Argentinië se o/20-span. In 2018 is hy as die hoofafrigter van die o/20-span aangestel, en later daardie jaar is hy gekies om die senior Argentynse span te lei. Met die senior span het hy hulle na ’n derde plek by die 2019 Copa América, gelei.[3] Hy het die 2021-uitgawe gewen—Argentinië se eerste sodanige titel in 28 jaar—en daarna Italië in die 2022 Finalissima verslaan.[4] Vervolgens het die nasionale span onder Scaloni hul derde Wêreldbeker-titel gewen, hul eerste sedert 1986, by die 2022-toernooi in Katar.[5] Hy het ook die 2024 Copa América as Argentinië se afrigter gewen, wat dit drie opeenvolgende toernooie maak wat hy saam met die nasionale span gewen het.[6]
Verwysings
[wysig | wysig bron]- ↑ "2006 FIFA World Cup Germany List of Players" (PDF). FIFA. p. 2. Geargiveer vanaf die oorspronklike (PDF) op 10 Junie 2019. Besoek op 8 Junie 2019.
- ↑ Reinke, Mariana (27 Julie 2021). "Pujato, el pueblo rural del DT Lionel Scaloni con el récord de un camión cada diez personas". La Nación (in Spaans). Besoek op 31 Januarie 2022.
- ↑ "Argentina 2–1 Chile". BBC Sport. 6 Julie 2019. Besoek op 25 September 2019.
- ↑ Dawkes, Phil (1 Junie 2022). "Italy 0–3 Argentina: Messi and Di Maria shine in impressive Finalissima win". BBC Sport. Besoek op 2 Junie 2022.
- ↑ Murray, Scott (18 Desember 2022). "Argentina beat France on penalties after thrilling World Cup final – live reaction". The Guardian. Besoek op 18 Desember 2022.
- ↑ "Scaloni hails Argentina for 'Triple Crown' triumph". beIN SPORTS. 15 Julie 2024.
