Lockheed L-100 Hercules

in Wikipedia, die vrye ensiklopedie

Die Lockheed L-100 Hercules is die burgerlike variant van die produktiewe C-130 Hercules militêre transportvliegtuig wat deur die Lockheed Corporation gebou word. Sy eerste vlug het in 1964 plaasgevind. Langer L-100-20 en L-100-30 weergawes is ontwikkel. L-100-produksie het in 1992 geëindig met 114 vliegtuie wat afgelewer is.[1] ’n Opgedateerde variant van die model, LM-100J, het sy eerste vlug in Marietta, Georgia op 25 Mei 2017 voltooi en sou in 2018–19 met produksie begin.[2]

Ontwikkeling[wysig | wysig bron]

In 1959 het Pan American World Airways 12 van Lockheed se GL-207 Super Hercules bestel, wat teen 1962 afgelewer moes word, aangedryf deur vier 6 000 eshp Allison T56 turboskroefenjins.[3] Slick Airways sou later in 1962 6 sulke vliegtuie ontvang. Die Super Hercules sou 7,11 meter langer as die C-130B wees; 'n variant aangedryf deur 6 445 eshp Rolls-Royce Tynes en 'n straalaangedrewe variant met vier Pratt & Whitney JT3D-11 turbowaaiers was ook in ontwikkeling. Beide Pan American en Slick Airways het hul bestellings gekanselleer en die ander variante het nie in verder as slegs ontwerpstudies ontwikkel nie.

Variante[wysig | wysig bron]

Burgerlike variante is gelykstaande aan die C-130E-model sonder buitetenks of militêre toerusting.

L-100 (Model 382)
Een prototipe aangedryf deur vier Allison 501-D22's en die eerste keer in 1964 gevlieg
L-100 (Model 382B)
Produksie variant
L-100-20 (Model 382E en Model 382F)
Gerekte variant gesertifiseer in 1968 met 'n nuwe 1,5 m gedeelte voor die vlerk en 1,02 m gedeelte agter die vlerk.
L-100-30 (model 382G)
'n Verdere uitgerekte variant met 'n bykomende 2,03 m rompgedeelte.
LM-100J (model 382J)
'n Bygewerkte burgerlike weergawe van die militêre C-130J-30-model.[4]
L-400 Twin Hercules
’n Twee-enjin variant van die C-130. Dit is in ten minste een publikasie geadverteer dat dit "meer as 90% onderdele gemeenskaplikheid" met die standaard C-130 sou hê. Die vliegtuig is in die middel-1980's afgelê sonder dat enige gebou is.[5][6]

Operateurs[wysig | wysig bron]

Burgerlike operateurs[wysig | wysig bron]

In Maart 2011 was altesaam 36 Lockheed L-100 Hercules-vliegtuie in kommersiële diens. Operateurs sluit in Safair (4),[7] Lynden Air Cargo (8), Transafrik (5), Libyan Arab Air Cargo (3), en ander operateurs met minder vliegtuie.[8]

Militêre operateurs[wysig | wysig bron]

In Mei 2011 was 35 Lockheed L-100's in gebruik by verskeie militêre operateurs.

Verwysings[wysig | wysig bron]

  1. Lockheed L-100 Hercules. airliners.net
  2. Grady, Mary (30 Mei 2017). "First Flight For Lockheed Freighter". AVweb. Besoek op 30 Mei 2017.
  3. René J. Francillon: Lockheed Aircraft since 1913.
  4. "Lockheed-Martin to Update Civilian Version of the Hercules". 5 Februarie 2014. Besoek op 6 Februarie 2014.
  5. "| Code One Magazine". www.codeonemagazine.com (in Engels). Besoek op 22 Mei 2021.
  6. "L400-half-Hercules.jpg". C-130 Hercules.net – The internet's No. 1 C-130 resource (in Engels (VSA)). Besoek op 22 Mei 2021.
  7. Safair
  8. "World Airliner Census".

Eksterne skakels[wysig | wysig bron]