Logis de France
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Logis de France is 'n gemeenskaplike handelsmerk van sowat 3 400 klein hotelle en restourante in Frankryk en Frans-Guyana, wat grotendeels in familiebesit is. Die gemiddelde aantal kamers per hotel is net sestien.
Die ruggraat van die vereniging se gemeenskaplike konsep is gasvryheid en 'n outentieke streekkarakter, wat ten opsigte van die kookkuns die klemtoon op plaaslike spesialiteite lê. Die simbool is 'n groen logo met 'n geel vuurplek, wat met 'n kaart van Frankryk versier is.
Lede van die Logis de France is ingedeel in drie kategorieë, wat met die aantal simbole aangedui word. Drie simbole word aan luukse hotelle en restourante toegeken. Daarnaas word aanvullende aanwysings soos Logis de Caractère (Losies met 'n besondere karakter), Logis Nature-Silence (Losies in 'n rustige landelike omgewing met natuurskoon) of Logis Bacchus (Losies vir wynliefhebbers) gebruik.
Eksterne skakels[wysig | wysig bron]
- Die webwerf van Logis de France Geargiveer 26 Desember 2003 op Wayback Machine