Loperamied

in Wikipedia, die vrye ensiklopedie
Jump to navigation Jump to search

Star of life caution.svg

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n mediese dokter verwys te word.
Loperamied
Loperamide.svg
Chemie
Chemiese formule C29H33ClN2O2
Molêre massa 477.037 g/mol
Voorkoms wit, kristallyn
CAS-nommer 53179-11-6
Farmakokinetika
Biobeskikbaarheid Weinig geabsorbeer
uit die ingewande
Proteïengebonde 97%
Metabolisme Lewer
Halfleeftyd 9.1 tot 14.4 uur
Bal-en-stokkiemodel van die loperamiedmolekuul

Loperamied, 'n piperidien-derivaat,[1] is 'n opiaatmedisyne wat gebruik word teen diarree as gevolg van gastro-enteritis of inflammatoriese ingewandsiekte. Dit is in die meeste lande generies beskikbaar, bekende handelsname is Imodium, Lopex, Adco-loperamide, Cipla-loperamide, Gastron en Lopedium. Dit is oorspronklik deur Janssen Pharmaceutica in België ontwikkel.[2]

Mediese gebruik[wysig | wysig bron]

Loperamied is effektief teen verskeie vorms van akute en kroniese diarree.[3] Daar is gewoonlik geen geneesmiddelbehandeling vir diarreë nodig nie, dus moet die middel slegs gebruik word as dit werklik noodsaaklik is.

Werkingsmeganisme[wysig | wysig bron]

Loperamied is 'n opiaatreseptor-agonis. Die opiaatderivaat bind aan die opiaatreseptore in die dermkanaal waardeur onder meer die peristaltiese beweging van die derm verminder word. Loperamied verhoog ook die spiertonus van die dunderm en die kolon waardeur waterige ontlasting makliker gestop kan word. Omdat die peristalse verminder word, stop dit nie alleen die diarree nie, maar ook die verdere spysvertering. Loperamied genees nie die oorsaak van die diarree nie.

Teenaanwysings[wysig | wysig bron]

Diarree as gevolg van enige bepaalde vergiftiging of indringer-organisme is belangrike teenaanduidings. Die rede hiervoor is dat die gifstowwe dan binne die dermkanaal "vasgevang" word, waar dit tot groter skade en ongemak vir die pasiënt kan lei as wanneer dit eerder uitgeskei is saam met die diarree-stoelgange.

Kinders jonger as 2 jaar mag nie met die middel behandel te word nie, weens gevaarlike newe-effekte. Vir kinders tussen 2 en 8 jaar moet loperamied saam met 'n orale rehidrasiemiddel (ORS) toegedien word. Die voubiljet gee aanwysings vir beperkte gebruik tydens swangerskap en borsvoeding.

Sien ook[wysig | wysig bron]

Verwysings[wysig | wysig bron]

  1. US National Cancer Institute, Drug Dictionary
  2. Stokbroekx, R.; Vanenberk, J.; Van Heertum, A.; Van Laar, G.; Van der Aa, M.; Van Bever, W.; Janssen, P. (1973). “Synthetic Antidiarrheal Agents. 2,2-Diphenyl-4-(4'-aryl-4'-hydroxypiperidino)butyramides”. Journal of Medicinal Chemistry 16 (7): 782–786. doi:10.1021/jm00265a009.
  3. Hanauer, S. B. (2008 Winter). “The Role of Loperamide in Gastrointestinal Disorders”. Reviews in Gastroenterological Disorders 8 (1): 15–20.

Eksterne skakels[wysig | wysig bron]