Louis Rautenbach

in Wikipedia, die vrye ensiklopedie
Jump to navigation Jump to search

Louis B Rautenbach is 'n Afrikaanse skrywer en storieverteller wat vier nie-fiksie boeke gepubliseer het. Hy beplan toekomstige publikasies, onder andere, opvolgboeke, kleinverhaal-bundels en selfs 'n draaiboek. Hy het 'n voorliefde vir geskiedenis, en veral verhale van die Bybel. Sy stories is lewensinspirerend en laat 'n mens nadink oor die geestelike lewe en die verganklikheid van die mens. Sy doel as skrywer is om die leser, onder andere, te laat nadink oor die lewe.

Publikasies[wysig | wysig bron]

My Vriend, My Broer[wysig | wysig bron]

Hierdie boek vertel die verhaal van 'n besonderse toegeneëntheid tussen twee vriende, die een 'n tienerseun en die ander alreeds 'n ervare soldaat, wat uitgedaag met die eise van die lewe wat bemoeilik word deur mense uit die verskillende wêrelde en raamwerke waaruit hulle kom. Die leser behoort egter te sien dat beide Jònatan en Dawid hul diepe afhanklikheid en liefde openlik vir God en vir mekaar bely. Albei leef hul geloofsvertroue in die HERE uit, en skroom nie om Sy leiding en beskerming af te bid nie. Elke leser kan met vrymoedigheid vrye teuels gee daaraan om hierdie realistiese beskrywing te interpreteer, en selfs die feite daarvan na te slaan.

Spieël Splinters[wysig | wysig bron]

Die verhaal handel oor die ongekompliseerde lewe van kindwees in 'n beskermde omgewing, waar jong lewens meteens deur 'n rits negatiewe gebeure na onbeskermde en ongenaakbaarheid van die grootmenswêreld geruk word. Die vele aanslae van die lewe word met wisselende emosionele uitdagings aangespreek. Die boek is belaai met intriges: vreugdes, teleurstellings en uitdagings wat uiteindelik lei tot by 'n kruispad van keuses. 'n Kruispad in die lewe waar emosionele oorwinning 'n seker realiteit word. En oorwinning bring. Hierdie unieke oorgangsboek is ideaal vir tiener- sowel as volwasse lesers.

ISBN 978-1-928210-51-1

Oorsprong Van Smarte[wysig | wysig bron]

'Oorsprong van Smarte' is 'n roman gebaseer op Ou Testamentiese Bybelverhale en neem die leser op 'n interessante reis deur die bekende Bybelverhale, vanaf Genesis tot Konings. Die skrywer delf dieper in emosionele belewenis van bekende Bybelse figure en gee die leser 'n nuwe perspektief op die menslikheid van hierdie karakters en ook die verreikende nagevolge van hul dade. Soos die verhaal vorder, sal die leser toenemend bewus word van God se opregte belangstelling in die skepping en liefde vir mens. God beskerm deurlopend. Hy rig en lei die mens om hom teen selfvernietiging te beskerm. Daar is niks groter as God se genade...

ISBN 978-1-928210-50-4

Soveel Jare[wysig | wysig bron]

Die boek handel hoofsaaklik oor 'n man wat as baba van sy ouers weggeneem en vir aanneming afgegee word. Sonder dat sy eie familie weet waar hy hom bevind, en onbewus van sy herkoms vanuit 'n groot familie waarna hy as enigste kind soveel keer gesmag het, leef hy 'n unieke en interessante lewe totdat hy onverwags met waarheid gekonfronteer word. Ons reis vir ongeveer sestig jaar oor hierdie lewenspad wat soms ongelyk en klipperig voorkom. Die leser sal sien watter leemte in die lewe kan ontstaan terwyl geliefdes onder die valse indruk verkeer dat hulle die beste om jou ontwil doen.

ISBN 978-1-928202-93-6

Eksterne skakels[wysig | wysig bron]