Louis Wilsenach

in Wikipedia, die vrye ensiklopedie

Louis Wilsenach (8 Desember 1940 - 29 Maart 2020) was 'n Suid-Afrikaanse skilder, digter, sendeling en baanbreker in die advertensiewese.[1][2][3] Hy is die eerste persoon in Gauteng, en derde in Suid-Afrika, wat aan Covid-19 oorlede is.[4] Hy is in Pretoria gebore en was die jongste van ses kinders. Sy ouers was George en Margareth; die twee het later sendingwerk onder die Sjangaan-bevolking gedoen.

Wilsenach het gematrikuleer aan die Afrikaanse Hoër Seunskool in Pretoria en daarna argitektuur aan die Universiteit van Pretoria gaan studeer. Op aanbeveling van sy lektor het hy sy studies gestaak en in die advertensiebedryf gaan werk. Hy het gou sy eie maatskappy begin. Sy vrou, Gretchen, het later vir hom gewerk en hulle het die eerste animasieateljee in die land gehad. Hy was die dryfkrag agter onder andere die NikNaks, Ouma-beskuit en Chicken Licken veldtogte. Hy was ook die eerste agentskap om swart en wit kinders in 'n Simba-advertensie te gebruik. Dit was kontraversioneel vir sy tyd maar die SAUK het toegegee.

Hy was ook 'n strategiese konsultant vir oudpresident F.W. de Klerk, die slagspreuk Die Nuwe Suid-Afrika was ook Wilsenach se breinkind. Sy boek Die aha-fenoneem is in 2018 deur Graffiti-boeke uitgegee.

Hy sterf in Pretoria as gevolg van die Covid-19 pandemie, hy het reeds longontsteking gehad toe hy die virus opgedoen het. Wilsenach word oorleef deur sy dogter Mia en drie seuns, Len, Tebo en Lebo en drie kleinseuns. Sy vrou is in 2017 oorlede.

Bron[wysig | wysig bron]

  • Covid-19 eis lewe van geliefde baanbreker Rapport Weekliks, 5 April 2020.

Verwysings[wysig | wysig bron]

  1. https://citizen.co.za/news/covid-19/2263787/covid-19-victim-louis-wilsenach-ruffled-feathers-with-new-south-africa-concept/
  2. https://m.news24.com/SouthAfrica/News/silence-that-man-covid-19-victim-louis-wilsenach-ruffled-feathers-with-new-south-africa-concept-20200401
  3. (af) https://maroelamedia.co.za/nuus/sa-nuus/derde-covid-19-sterfte-hy-was-n-regte-terggees/
  4. "argiefkopie". Geargiveer vanaf die oorspronklike op 21 Mei 2020. Besoek op 19 April 2020.