Louisville Internasionale Lughawe

in Wikipedia, die vrye ensiklopedie
Louisville Int. Lughawe
Standiford Field
IATA: SDFICAO: KSDFFAA: SDF
Opsomming
Tipe lughawe Openbaar
Eienaar/Operateur Louisville Regional Airport Authority (LRAA)
Bedien Louisville, Kentucky
Spil vir UPS Airlines
Hoogte bo seevlak 501 vt / 153 m
Koördinate 38°10′27″N 85°44′11″W / 38.17417°N 85.73639°W / 38.17417; -85.73639Koördinate: 38°10′27″N 85°44′11″W / 38.17417°N 85.73639°W / 38.17417; -85.73639
Webtuiste www.flylouisville.com
Landkaart
SDF is in Kentucky
SDF
SDF
Ligging van die lughawe in Kentucky
Aanloopbane
Rigting Lengte Oppervlak
vt m
17R/35L 11 887 3 623 Beton
17L/35R 8 578 2 615 Beton
11/29 7 250 2 210 Beton
Statistieke (2021)
Passasiers 3 171 582
Lugbewegings 151 641
Vrag hanteer (pond) 6 431 419 629
Bronne: Louisville Internasionale Lughawe[1] en Federale Lugvaartadministrasie.

Louisville Internasionale Lughawe (IATA-kode: SDF, ICAO: KSDF) is 'n openbare en militêre lughawe sentraal geleë in die stad Louisville in Jefferson County, Kentucky, VSA. Die lughawe beslaan 4,9 km2 (1200 akkers) en het drie aanloopbane. Die IATA lughawe kode, SDF, is gebaseer op die lughawe se vorige naam, Standifort Field.

Die lughawe hanteer oor die 3,2 miljoen passasiers en oor die 3,15 miljoen ton (6.4 miljard pond) vrag elke jaar.[2] Dit het geen gereelde geskeduleerde internasionale passasiersvlugte nie, maar dit is 'n toegangspoort, aangesien dit talle internasionale vragvlugte deur die United Parcel Service se wêreldwye lugsentrum deur sy lugredery hanteer, wat dikwels na verwys word as UPS Worldport. Dit is ook die derde besigste in die Verenigde State van Amerika in terme van vragverkeer, en die sewende besigste ter wêreld vir vrag.[3]

Die lughawe is ingesluit in die Nasionale Geïntegreerde Lughawestelselplan vir 2020-2025, wat dit klassifiseer as 'n primêre kommersiële dienslughawe, aangesien dit meer as 10 000 passasiersvertrekke per jaar hanteer.[4] Volgens Federale Lugvaartadministrasie-rekords het die lughawe 3 171 582 passasiersvertrekke in 2021 gehad.

Die lughawe is die tuiste van Worldport, die wêreldwye spilpunt van UPS Airlines. Die Kentucky Air National Guard se 123ste Lugbrugvleuel bedryf Lockheed C-130 Herculesvragvliegtuie vanuit die naasgeleë Louisville Air National Guard Base.

Geskiedenis[wysig | wysig bron]

Standiford Field is in 1941 deur die Army Corps of Engineers gebou op 'n stuk grond suid van Louisville nadat dit bevind is dat dit nie tydens die Ohio-riviervloed van 1937 oorstroom het nie. Dit is vernoem na dr. Elisha David Standiford, 'n plaaslike sakeman en politikus, wat aktief in vervoerkwessies was en 'n deel van die grond besit het. Die vliegveld het onder weermagbeheer gebly tot 1947, toe dit aan die Louisville Air Board vir kommersiële bedrywighede oorgedra is.

Tot om en by 1947 was Bowman Field Louisville se hooflughawe. Vir baie jare het passasiersverkeer deur die klein baksteen Lee Terminal by Standiford Field gegaan. Vandag se meer moderne en veel groter fasiliteite is in die 1980's gebou. Die grootste deel van die Lee Terminal is later afgebreek.

In die 1980's is planne opgetrek vir 'n nuwe terminaal, die Louisville Airport Improvement Plan (LAIP). Konstruksie van 'n nuwe landkant-terminaal ontwerp deur Bickel-Gibson Associated Architects Inc. het begin, wat $35 miljoen gekos het met kapasiteit vir byna 2 miljoen passasiers in 1985. Parallelle aanloopbane, wat nodig is vir uitgebreide UPS-bedrywighede, was deel van die lughawe-uitbreiding. Die meeste van die verbeterings is in die 1990's voltooi en die lughawe is in totaal vernuwe.

Gedurende die 1990's het Southwest Airlines diens na die lughawe begin, wat passasiergetalle met 97,3 persent laat styg het. In 1995 is die lughawe se naam verander van Standiford Field na Louisville Internasionale Lughawe. Rondom hierdie tyd het SDF die twee nuwe parallelle aanloopbane geopen: aanloopbaan 17L/35R, 2 615 m lank en aanloopbaan 17R/35L, 3 623 m; albei is 46 m wyd. Die Kentucky Air National Guard het sy basis na SDF verskuif met 8 militêre vliegtuie; 'n nuwe UPS-lugposfasiliteit, nuwe korporatiewe loodse, 'n viervlak-parkeergarage en 'n nuwe beheertoring is ook bygevoeg.

Fasiliteite[wysig | wysig bron]

Aanloopbane[wysig | wysig bron]

Louisville Muhammad Ali Internasionale Lughawe het drie aanloopbane van beton, waarvan twee parallel is met een dwarswind. Die mees westelike aanloopbaan (17R/35L) is die langste van die drie op 3 623 m en is in 2007 uitgebrei om groter vliegtuie te akkommodeer wat ononderbroke na bestemmings so ver as die Stille Oseaan (Pacific Rim) en Asië vlieg.[5][6]

Terminaal[wysig | wysig bron]

Die Jerry E. Abramson-terminaal is die lughawe se hoof- kommersiële terminaal. Dit bestaan uit twee verdiepings met grondvervoer en bagasie-afhaaldienste op die eerste verdieping en kaartjies, passasiersaflaai en toegang tot die saal op die tweede verdieping.[7] Daar is 24 hekke in die twee gange. Hierdie gange word verbind deur 'n rotonde en koppelstuk wat 'n verenigde sekuriteitskontrolepunt in die hoofgedeelte van die terminaal bevat.

Worldport[wysig | wysig bron]

Worldport is die wêreldwye spil vir United Parcel Service (UPS) geleë op Louisville Muhammad Ali Internasionale Lughawe. Vanweë UPS se bedrywe is Louisville die vierde besigste vraglughawe ter wêreld, en die tweede besigste in die Verenigde State. Alhoewel UPS sedert 1980 'n spilpunt by Louisville gehad het, is die term eers in 2002 amptelik deur die maatskappy gebruik, na 'n $1 miljard, vyf jaar uitbreiding. Voorheen is die projek Hub 2000 genoem. Die fasiliteit is tans die grootte met 48 ha en in staat om 115 pakkette per sekonde, of 416 000 per uur, te hanteer. Met meer as 20 000 werknemers is UPS een van die grootste werkgewers in beide die stad Louisville en Kentucky as geheel. Die fasiliteit, wat al die maatskappy se groot internasionale en plaaslike spilpunte bedien, hanteer hoofsaaklik spoed- en internasionale pakkette en briewe.

'n 93 000 m2 uitbreiding is in die lente van 2006 voltooi om swaar vrag in die UPS-stelsel te integreer. Die uitbreiding is voorafgegaan deur die aankoop van Menlo Worldwide Forwarding, voorheen Emery Worldwide. Die nuwe fasiliteit, aangewys as Worldport Freight Facility (HWP), het in April 2006 aanlyn gegaan en was die eerste van die maatskappy se streekspilpunte wat die Menlo-volume in die stelsel begin integreer het. Menlo se fasiliteit in Dayton, Ohio, is in Junie 2006 van lyn geneem.

Statistiek[wysig | wysig bron]

Top bestemmings[wysig | wysig bron]

Besigste binnelandse roetes vanaf SDF
(Augustus 2022 - Julie 2023)
[2]
Rang Stad Passasiers Rederye
1 Atlanta, Georgia 340 810 Delta, Southwest
2 Dallas/Fort Worth, Texas 176 770 American
3 Charlotte, North Carolina 149 960 American
4 Chicago–O'Hare, Illinois 125 990 American, United
5 Denver, Colorado 125 850 Southwest, United
6 Orlando, Florida 114 180 Southwest, Spirit
7 Chicago–Midway, Illinois 110 540 Southwest
8 Baltimore, Maryland 82 950 Southwest
9 New York-LaGuardia, New York 68 850 American, Delta
10 Tampa, Florida 64 790 Breeze, Southwest

Redery markaandeel[wysig | wysig bron]

Grootste lugrederye by SDF
(Augustus 2022 - Julie 2023)
[2]
Rang Lugredery Passasiers Aandeel
1 Southwest Airlines 969 000 23,03%
2 Delta Air Lines 576 000 13,70%
3 Republic Airways 552 000 13,12%
4 American Airlines 465 000 11,05%
5 Spirit Airlines 315 000 7,48%
6 Ander 1 329 000 31,61%

Verwysings[wysig | wysig bron]

  1. "Reports and Statistics". Louisville Regional Airport Authority. Geargiveer vanaf die oorspronklike op April 6, 2015.
  2. 2,0 2,1 2,2 "RITA | BTS | Transtats - Louisville, KY: Louisville International-Standiford Field (SDF)" (in Engels). 31 Maart 2014. Geargiveer vanaf die oorspronklike op 24 September 2018. Besoek op 6 Julie 2014.
  3. "Table 2 – Total Cargo Traffic 2013" (in Engels). Internasionale Lughaweraad. 31 Maart 2014. Geargiveer vanaf die oorspronklike op 18 Augustus 2018. Besoek op 6 Julie 2014.
  4. "2011–2015 NPIAS Report, Appendix A". Federal Aviation Administration. 4 Oktober 2010. Geargiveer vanaf die oorspronklike (PDF, 2.03 MB) op 10 Oktober 2014. Besoek op 26 Augustus 2014.
  5. "Louisville Regional Airport Authority 2017 Annual Report" (PDF). Geargiveer (PDF) vanaf die oorspronklike op 17 Oktober 2019. Besoek op 17 Oktober 2019.
  6. "Louisville Muhammad Ali International Airport". Geargiveer vanaf die oorspronklike op 17 Oktober 2019. Besoek op 17 Oktober 2019.
  7. Louisville Regional Airport Authority. "Terminal Map". Geargiveer vanaf die oorspronklike op 16 Oktober 2019. Besoek op 17 Oktober 2019.
Hierdie artikel is in sy geheel of gedeeltelik vanuit die Engelse Wikipedia vertaal.