Luckiest Girl Alive
| Luckiest Girl Alive | |
|---|---|
| Regisseur | Mike Barker |
| Vervaardiger |
|
| Draaiboek | Jessica Knoll |
| Geskoei op | Die boek deur Jessica Knoll |
| Met | Mila Kunis Finn Wittrock |
| Musiek deur | Linda Perry |
| Kinematografie | Colin Watkinson |
| Ateljee |
|
| Verspreider | Netflix |
| Uitgereik | Netflix: 7 Oktober 2022 |
| Speeltyd | 113 minute[1] |
| Land | |
| Taal | Engels |
| IMDb-profiel | |
Luckiest Girl Alive is 'n raaiselfliek vir televisie van 2022 wat deur Mike Barker geregisseer is. Die draaiboek deur Jessica Knoll is geskoei op 'n roman deur haar met dieselfde naam. Die hoofakteurs is Mila Kunis, Finn Wittrock, Scoot McNairy, Chiara Aurelia, Justine Lupe, Jennifer Beals en Connie Britton.
Die rolprent is in goedgekeurde teaters uitgereik en daarna op 7 Oktober 2022 deur Netflix.
Storielyn
[wysig | wysig bron]Bederwingswaarskuwing: Die storielyn en/of storie se einde volg hieronder.
.jpg) |
In 2015 lyk dit of die 35-jarige Tifani "Ani" Fanelli, die gerespekteerde redakteur van 'n New Yorkse vrouetydskif, 'n perfekte lewe het. Terwyl sy voorberei om met haar verloofde, Luke Harrison, te trou het Ani 'n ontmoeting met Aaron Wickersham, die regisseur van dokumentêre prente wat 'n kortfliek wil maak oor die skietery wat sy as tiener by haar skool oorleef het. Hy lig haar in 'n voormalige skoolmaat, Dean Barton, wat 'n suksesvolle skrywer en voorstander van wapenbeheer geword het, het ingestem om deel te neem. Ani weier om betrokke te raak.
Luke vertel vir Ani sy maatskappy het hom 'n geleentheid aangbied om in Londen te werk en stel voor sy loop 'n kursus daar sodat sy vir haarself kan skryf. Sy stem in, hoewel sy daarvan droom om eendag by The New York Times te werk. Hulle gaan later uiteet saam met 'n paartjie wat Luke ken, en Ani besef die man is 'n voormalige onderwyser van haar, Andrew Larson.
In terugflitse na 1999 sluit Ani aan by die prestigeryke skool Brentley, waar sy gou 'n kliek gewilde leerlinge bevriend, insluitende Dean en sy vriende Liam en Peyton. Daar word onthul die drie seuns het haar op 'n partytjie verkrag terwyl hulle dronk was. Sy vertel dit vir meneer Larson, wat haar aanmoedig om haar eksentrieke ma, Dina, te vertel, maar Ani weier. Sy vertel egter haar vriend Arthur, wat aanhoudend deur die drie seuns geboelie word.
Ani se verlede begin stadigaan by haar spook en beïnvloed haar verhouding met Luke. Aaron sê vir Ani dat Dean haar wil ontmoet en verskoning vra. Ani stem in, maar op voorwaarde dat Aaron hulle apart hou totdat sy gereed is. Intussen worstel Ani met haar moeilike verhouding met haar ma, wat beweer Ani was altyd moeilik en daarop skimp dat sy net met Luke trou oor sy geld.
By die verfilimg van die kortfilm daag Aaron onverwags vroeg op en Ai vlug paniekbevange. Terugflitse wys hoe sy sukkel om dit wat met haar gbeur het te verwerk, en nie lank daarna nie vind die skoolskietery plaas. Dit word aangevoor deur Arthur en sy vriend Ben. Peyton en Liam word doodgeskiet, terwyl Dean gewond en lam gelaat word. Voor die begrafnisse begin Dean 'n gerug dat Ani saam met hom geslaap en Arthur en Ben die skietery help beplan het omdat hy nie haar kêreld wou wees nie. Ani word daarna deur almal verwerp, insluitende Dina, wat haar vir haar eie verkragting blameer omdat sy uitermatig gedrink en partytjie gehou het.
Terug in 2015 ontmoet Ani vir Dean by die bekendstelling van sy nuwe boek en hy toon min berou oor wat hy gedoen het. Hy sê hy sal sy storie herhaal dat sy by die skierety betrokke was as sy vir iemand daarvan vertel. Toe Ani hom egter tydens die gesprek konfronteer, erken Dean dat hy haar verkrag het. Ani, wat die gesprek in die geheim opgeneem het, vertrek. Sy besluit om haar storie te vertel ná aanmoediging deur haar baas, en eindelik skryf sy 'n stuk vir The New York Times.
Op die aandete voor haar troue ontvang Ani die finale artikel, wat tot Luke se groot ontsteltenis op die punt is om gepubliseer te word. Hy sê hy wens sy het dit privaat hanteer. Ani erken dan teenoor hom sy het hom net gebruik om van haar verlede weg te kruip, en besluit om nie met hom te trou nie. Ani beweeg eindelik aan; sy kry 'n groot reaksie van ander vroue, wat vir haar hulle stories van seksuele aanranding vertel, terwyl sy haar loopbaan by The New York Times begin.
Hoofakteurs
[wysig | wysig bron]- Mila Kunis as Tifani "Ani" Fanelli
- Chiara Aurelia as die jong Ani
- Finn Wittrock as Luke Harrison
- Scoot McNairy as Andrew Larson
- Justine Lupe as Nell Rutherford
- Thomas Barbusca as Arthur Finneman
- Jennifer Beals as Lolo Vincent
- Connie Britton as Dina Fanelli
- Alex Barone as Dean Barton
- Carson MacCormac as die jong Dean
- Dalmar Abuzeid as Aaron Wickersham
- Isaac Kragten as Liam Ross
- Gage Munroe as Peyton Powell
Verwysings
[wysig | wysig bron]- ↑ "Luckiest Girl Alive (18)". British Board of Film Classification. Besoek op 21 September 2022.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
