Lugano

Lugano (Lombardies: Lügàn, Duits (verouderd): Lauis, Reto-Romaans: Ligiaun) is die grootste stad van die Italiaanssprekende kanton Ticino in die suide van Switserland. Verder is dit die hoofstad van die Lugano-distrik. Binne hierdie distrik vorm (die munisipaliteit van) Lugano ook 'n sirkel of ring.

Die stad, geleë aan die suidekant van die Switserse Alpe en aan beide kante omring deur Italië, is duidelik Italiaans van karakter, maar beskik oor Switserse doeltreffendheid. 65 000 mense woon in die stad self, en ongeveer 140 000 in die agglomerasie. Die meerderheid van die bevolking praat Italiaans en is Rooms-Katoliek. Die burgemeester is Michele Foletti. Lugano het sy eie lughawe, naamlik Lugano-lughawe.

Die ligging in hierdie landskap, met die omliggende groen heuwels en die berge Monte San Salvatore (912 meter) en die effens hoër Monte Brè (923 meter) wat aan die buitewyke van die stad geleë is, het internasionale besoekers geïnspireer om Lugano die Europese Rio de Janeiro te noem.