Lugmagbasis Hoedspruit
| Lugmagbasis Hoedspruit | |||
|---|---|---|---|
 | |||
| Personeel werk in die beheertoring tydens ATLAS RESPONSE. (Foto op 8 Maart 2000 deur 'n VSA- militêre fotograaf geneem) | |||
| IATA: HDS – ICAO: FAHS | |||
| Opsomming | |||
| Tipe lughawe | Militêr en siviel | ||
| Operateur | Suid-Afrikaanse Lugmag | ||
| Ligging | Hoedspruit, Limpopo | ||
| Hoogte bo seevlak | 1742 vt / 531 m | ||
| Koördinate | 24°21′17″S 31°03′01″E / 24.35472°S 31.05028°O | ||
| Webtuiste | |||
| Landkaart | |||
  FAHS | |||
| Aanloopbane | |||
| Rigting | Lengte | Oppervlak | |
| m | vt | ||
| 09/27 | 2 115 | 6 939 | Teer |
| 18/36 | 3 991 | 13 094 | Teer |
Lugmagbasis Hoedspruit (IATA: HDS, ICAO: FAHS) is 'n basis van die Suid-Afrikaanse Lugmag en is langs die Krugerwildtuin geleë. Teen die einde van die 1990's is 'n onbenutte deel van die basis omskep in 'n burgerlike lughawe, genaamd Eastgate-lughawe. Dit het ook as 'n moontlike noodlandingsplek vir die Amerikaanse ruimtependeltuig gedien, weens sy lang aanloopbaan van byna 4 kilometer.[1]
Tuiste van eenhede
[wysig | wysig bron]- 19 Eskader, SALM - helikopter-eskader
- 101 Eskader - Ligte vervoer (reserwemag)
- 514 Eskader, SALM - Sekerheidsdienste
- 7 Lugonderhoudseenheid - Onderhoudsondersteuning
- Laeveld Lugruimtebeheersektor - Lugruimtebeheer
- Lugmag Bevel-en-beheerskool (opleiding)
Leuse
[wysig | wysig bron]Die basis se leuse is Pro Nostrorum Pace ("Vrede vir ons inwoners").[2]
Geskiedenis
[wysig | wysig bron]
Die basis is op 1 Julie 1978 geopen as LMB Hoedspruit.[3] Dit is van die begin af ontwerp as 'n hoogs beskermde oorlogsbasis. As sodanig, het dit gepantserde en ondergrondse loodse, met bedekte vegvliegtuie op 24-uur-bystand naby aan die aanloopbane geplaas vir onmiddellike opstyging en reaksie.
Die basis wemel van wild, omring deur die 25 km² Lugmagbasis Hoedspruit Wildreservaat. Om die aanloopbaan skoon van diere te hou was 'n reuse probleem. Dus het die basis drie jagluiperds ingevoer om die vliegveld te patroleer, met die resultaat dat diere se lastigheid op die aanloopbaan met 90% afgeneem het. Nog 'n Suid-Afrikaanse Lugmagbasis, Lugmagbasis Makhado, het sedertdien ook die konsep aanvaar.
Hoogtepunte
[wysig | wysig bron]Hoogtepunte in die geskiedenis van Hoedspruit sluit die volgende in:[4]
- Die eerste sooi vir die voorgestelde basis is op 27 Junie 1977 omgespit.
- Die eerste vliegtuig het op 8 Maart 1978 op die nuwe aanloopbaan geland.
- Lugmagbasis Hoedspruit is amptelik op 1 Julie 1978 geopen.
Hoedspruit word 10 jaar oud in Julie 1988
[wysig | wysig bron]As deel van die program om die tiende bestaansjaar van Lugmagbasis Hoedspruit te vier, is 'n lugvertoning op 9 Julie 1988 gehou.
Onttrekking aan diens van die Mirage III en 50ste verjaarsdag van 2 Eskader op 5 Oktober 1990
[wysig | wysig bron]2 Eskader het op 5 Oktober 1990 sy 50ste verjaarsdag[5] met ’n lugskou en statiese vertoning gevier (streng gesproke was dit op hierdie datum die 52ste verjaarsdag van die eenheid).[6] Vir hierdie geleentheid is Mirage IIICZ reeksnommer 800 en IIIBZ reeksnommer 816 in spesiale skemas geverf. CZ 800 het ’n kleurskema gehad wat uit swart en goud bestaan het en BZ 816 was in ’n skema wat verteenwoordigend was van die kleurskemas wat die Mirage III’s in die 1960’s gehad het. Nommer 800 het ’n sololugvertoning gelewer en is staties vertoon, nommer 816 is staties vertoon en Mirage IIICZ reeksnommer 809 is staties in ’n laesigbaarheid-kamoefleerskema vertoon. Die 2000 vliegure van ’n 2 Eskader-vlieënier is ook op 5 Oktober 1990 herdenk.[5] Mirage IIICZ reeksnommer 800 is tydens ’n spesiale seremonie na ’n vliegtuigloods geneem. Altesaam 12 Mirage III’s het ’n verbyvlug in die vorm van die syfer 2 gelewer. Al die Mirage III-variante wat op daardie tydstip deur 2 Eskader bedryf is, is in die lugskou, statiese vertoning en verbyvlug verteenwoordig. 5 Oktober 1990 was ook die laaste amptelike vlug van die Mirage III in SALM-diens.[7]
IIICZ 800 (links), IIIBZ 816 (middel) en IIICZ 809 (regs) op 5 Oktober 1990 te Hoedspruit
IIIR2Z 857 (links), IIICZ 809 (volgende) en IIIBZ 816 (regs) op 5 Oktober 1990 te Hoedspruit
IIIBZ 816 op 5 Oktober 1990 te Hoedspruit
Vlieënier met 2000-vliegure-lourierkrans voor Mirage IIICZ reeksnommer 809
Sololugvertoning IIICZ 800 op 5 Oktober 1990 te Hoedspruit
IIICZ 800 op 5 Oktober 1990 tydens spesiale seremonie weggesleep
Mirage IIIR2Z 857 op 5 Oktober 1990 te Hoedspruit
Verbyvlug van 12 Mirage III’s
[wysig | wysig bron]Die vliegtuie ry na die aanloopbaan
[wysig | wysig bron]
Mirage IIIBZ reeksnommer 818
Mirage IIIRZ reeksnommer 835
Mirage IIIRZ reeksnommer 838
Die verbyvlug
[wysig | wysig bron]
Die vliegtuie land ná die verbyvlug
[wysig | wysig bron]
Mirage IIICZ reeksnommer 805
Mirage IIICZ reeksnommer 808
Mirage IIIRZ reeksnommer 837
Lugmagbasis Hoedspruit-infrastruktuur op 5 Oktober 1990
[wysig | wysig bron]
Skans G het die naam die “Jaguars”.
Dit is infrastuktuur in Skans G.
Walle, loodse en rybane op 5 Oktober 1990.
’n Mirage IIIBZ vertrek vanaf ’n loods by Hoedspruit.
Mirage IIIRZ 837 en twee ander Mirage III’s op 'n rybaan.
Opedag op 23 September 1995 by Hoedspruit
[wysig | wysig bron]
Mirage IIICZ die Black Widow op 22 September 1995 te Hoedspruit
Mirage F1AZ 225 op 23 September 1995 te Hoedspruit
Operasie Gesamentlike Taakmag Atlasreaksie Maart 2000[8]
[wysig | wysig bron]Agtergrond
[wysig | wysig bron]Twee tropiese siklone, Colleen en Eline het in laat-Februarie en vroeg-Maart 2000 massiewe reënval in suidoostelike Afrika en wydverspreide oorstromings veroorsaak wat ongeveer een miljoen mense dakloos gelaat het. In Mosambiek, wat die ergste geraak is, het honderdduisende mense van hulle huise weggevlug en skuiling op hoë grond gesoek. Duitsland, Frankryk, Brittanje, Spanje, Portugal, Malawi en Nederland het gereageer en verligting gebring. Die Verenigde State van Amerika het saam met hierdie lande gewerk en het Joint Task Force Atlas Response (Gesamentlike Taakmag Atlasreaksie) op die been gebring om hulp aan die verwoeste streek te verleen.
Lugvaartuie gedurende Gesamentlike Taakmag Atlasreaksie gebruik
[wysig | wysig bron]Die VSA het as deel van Gesamentlike Taakmag Atlasreaksie verskillende lugvaartuie gebruik. Helikopters wat in die lug herbunker kan word en MC-130P Combat Shadow-vliegtuie asook MH-53 Pave Low-helikopters, HH-60G Pave Hawk-helikopters en C-17A Globe Master III-vragvliegtuie is ingespan. Lugmagbasis Hoedspruit in Suid-Afrika is as deurgangsbasis aangewend. Lockheed C-5 Galaxy-vragvliegtuie is gebruik om die MH-53’s, lugbemannings, instandhoudings- en ondersteuningspersoneel en toerusting te karwei. Die MH-53’s en MC-130P’s het Hoedspruit as bedryfsbasis gebruik.
Die Combat Shadows het die helikopters in die lug herbunker. Die Pave Lows (Sikorsky MH-53-geveg-soek-en-redding-helikopters), Pave Hawks en Combat Shadows is ook ingespan om as verkenningsplatforms in reële tyd te dien deur digitale foto’s van die Mosambiekstreek te neem. Konvensionele C-130’s (soos C-130E 68-10935) het noodvoorraad vervoer en Keen Sage OC-130-fotoverkenningsvliegtuie het opmetings- en assesseringsfoto’s ingesamel.
Begin en beëindiging van Gesamentlike Taakmag Atlasreaksie
[wysig | wysig bron]Goedkeuring om Hoedspruit as basis te gebruik is op 4 Maart 2000 verkry en daar kon met die reddings- en verligtingswerk begin word. Die humanitêre verligtingswerk is op 26 Maart 2000 afgehandel en die laaste lugvaartuie wat tydens Gesamentlike Taakmag Atlasreaksie gebruik is, het suidelike Afrika teen 7 April 2000 verlaat.
SA grondbemanning en USAF C-17A-vlugbemanning laai generator uit C-17.
’n USAF C-17 kry op 5 Maart 2000 die “alles reg”-teken dat hy maar kan ry.
C-130-laaimeester doen op 8 Maart 2000 papierwerk.
Drie HH-60 Pave Hawk-helikopters styg op 9 Maart 2000 op.
Hoedspruit word 21 jaar oud in 1999
[wysig | wysig bron]
Eenhede gebaseer by Hoedspruit
[wysig | wysig bron]1 Eskader, Mirage F1AZ’s
[wysig | wysig bron]Die Mirage F1AZ’s is permanent deur 1 Eskader bedryf, maar was eers by Waterkloof gebaseer (van 1975 tot Desember 1980) en was van Desember 1980 tot November 1997 by Hoedspruit gebaseer.[9]
F1AZ 225 op 5 Oktober 1987 te Hoedspruit
F1AZ’s 231 en 234 op 22 Julie 1989 te Bloemspruit
F1AZ 226 op 4 Maart 1995 te Langebaanweg
Nommers 244 (links) en 229 op 15 Julie 1995 te Swartkop
2 Eskader
[wysig | wysig bron]Die Mirage III’s van 2 Eskader was van Desember 1978 tot die ontbinding van 2 Eskader in Desember 1990 by Hoedspruit gebaseer.[10]
Mirage IIIBZ 816 op 15 Julie 1980 te Durban
Mirage IIICZ 811 op 5 Oktober 1987 te Hoedspruit
Mirage IIIRZ 838 op 24 Maart 1990 te Pietersburg
31 Eskader
[wysig | wysig bron]31 Eskader was van Januarie 1982 tot Desember 1992 by Hoedspruit gebaseer.[11]
8 Eskader
[wysig | wysig bron]8 Eskader het in Januarie 1999 na Hoedspruit verhuis, maar is in Maart 1999 ontbind.[12]
19 Eskader
[wysig | wysig bron]19 Eskader is sedert Januarie 2004 by Hoedspruit gebaseer.[13]
85 Gevegvliegskool
[wysig | wysig bron]85 Gevegvliegskool was vanaf Januarie 1993 by Hoedspruit gebaseer.[14]
Die Silwer Valke
[wysig | wysig bron]Die Silwer Valke het in Desember 1992 na Hoedspruit verhuis nadat die funksie van 83 Straalvliegskool na 85 Gevegvliegskool oorgeplaas is.[15]
Drie Silwer Valke op 10 Mei 1994 te Waterkloof
Silwer Valk 2 (Impala I reeksnommer 484) op 10 Mei 1994 te Waterkloof
Die “Malgas”, bekende vliegtuig van 85 Gevegvliegskool
[wysig | wysig bron]Atlas Impala Mk II reeksnommer 1063 is in 1992 vir die 25ste verjaarsdag van 85 Gevegvliegskool in ’n spesiale kleurskema geverf en het as gevolg van sy kleurskema die bynaam die “Malgas” gekry.[16]
1063 op 8 September 2000 te Waterkloof
1063 op 21 September 2002 te Waterkloof
Eastgate-lughawe
[wysig | wysig bron]
'n Burgerlike lughawe, bekend as die Eastgate-lughawe, is aan die suidelike punt van die lughawe geopen in die vroeë 1990's. Die terminaal se vernaamste gebruik is vir toeriste wat privaat wildreservate in die gebied wil besoek, sowel as vir toegang tot die Krugerwildtuin via die nabygeleë Orpenhek.[17]
Geskeduleerde vlugte
[wysig | wysig bron]South African Express het voorheen daagliks van O.R. Tambo Internasionale Lughawe in Johannesburg, en drie keer per week na die Kaapstad Internasionale Lughawe gevlieg, maar die redery is in 2020 ontbind.[18]
Tans (2024) bedien die rederye Airlink en CemAir die lughawe direk vanaf Johannesburg en Kaapstad.[19][20]
Aantekening
[wysig | wysig bron]Die grootste deel van hierdie artikel is uit ander bronne as die Engelse Wikipedia vertaal. Die bronverwysings word in die teks aangegee.
Verwysings
[wysig | wysig bron]- ↑ Space Shuttle Emergency Landing Sites at globalsecurity.org
- ↑ saairforce.co.za
- ↑ AFB Hoedspruit at globalsecurity.org
- ↑ Steenkamp, Ilga (Julie 1988). "Dagboek 1978 – 1988". Bastion, Maandblad van die Lugmagbasis Hoedspruit. 4 (1): 6, 7 – via Suid-Afrikaanse Lugmag.
- 1 2 Crinall, R (1990). 2 Squadron 50th Anniversary Souvenir Brochure (in Engels). p. 19.
- ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. p. 29. ISBN 0-9584929-4-8.
{{cite book}}: line feed character in|title=at position 60 (hulp) - ↑ McLean, Steven (September 2005). Squadrons of the South African Air Force and their aircraft 1920 - 2005 (in Engels). Table View, Western Cape, South Africa: Steven McLean. p. 41. ISBN 0-9584929-4-8.
{{cite book}}: line feed character in|title=at position 60 (hulp) - ↑ Russell, Mike (29 Julie 2026). "Operation Atlas Response". Air Commando Association. Besoek op 29 Julie 2026.
- ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. p. 26. ISBN 0-9584929-4-8.
{{cite book}}: line feed character in|title=at position 60 (hulp) - ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. p. 44. ISBN 0-9584929-4-8.
{{cite book}}: line feed character in|title=at position 60 (hulp) - ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. p. 304. ISBN 0-9584929-4-8.
{{cite book}}: line feed character in|title=at position 60 (hulp) - ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. p. 112. ISBN 0-9584929-4-8.
{{cite book}}: line feed character in|title=at position 60 (hulp) - ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. p. 195. ISBN 0-9584929-4-8.
{{cite book}}: line feed character in|title=at position 60 (hulp) - ↑ McLean, Steven (September 2005). Squadrons of the South African Air Force and their aircraft (in Engels). Table View, Western Cape, South Africa: Steven McLean. p. 406. ISBN 0-9584929-4-8.
- ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. pp. 399/400. ISBN 0-9584929-4-8.
{{cite book}}: line feed character in|title=at position 60 (hulp) - ↑ McLean, Steven (September 2005). Squadrons of the South African Air Force and their aircraft 1920 – 2005 (in Engels). Table View, Western Cape, South Africa: Steven McLean. pp. 405, 406. ISBN 0-9584929-4-8.
{{cite book}}: line feed character in|title=at position 60 (hulp) - ↑ (en) Limpopo Departement van Paaie en Vervoer webwerf Geargiveer 6 Junie 2022 op Wayback Machine
- ↑ Burgerlike vlugte na/van Eastgate-lughawe
- ↑ Airlink se besprekingsblad
- ↑ CemAir se besprekingsblad
Eksterne skakels
[wysig | wysig bron]| Hierdie artikel is in sy geheel of gedeeltelik vanuit die Engelse Wikipedia vertaal. |
