Luis Suárez
 Suárez by die Wêreldbekertoernooi in 2018. | |||
| Persoonlike inligting | |||
|---|---|---|---|
| Geboortedatum | 24 Januarie 1987 | ||
| Geboorteplek | Salto, Uruguay | ||
| Lengte | 1.82 m | ||
| Speelposisie | Doelskieter | ||
| Klubinligting | |||
| Huidige klub | Inter Miami | ||
| Nommer | 9 | ||
| Jeugloopbaan | |||
| 1991–1994 | Sportivo Artigas | ||
| 1994–2000 | Urreta | ||
| 2001–2005 | Nacional | ||
| Seniorloopbaan* | |||
| Jare | Span | Kere† | (Doele)† |
| 2005–2006 | Nacional | 27 | (10) |
| 2006–2007 | Groningen | 29 | (10) |
| 2007–2011 | Ajax | 110 | (81) |
| 2011–2014 | Liverpool | 110 | (69) |
| 2014–2020 | Barcelona | 191 | (147) |
| 2020–2022 | Atlético Madrid | 67 | (32) |
| 2022–2023 | Nacional | 14 | (8) |
| 2023–2024 | Grêmio | 45 | (24) |
| 2024– | Inter Miami | 36 | (22) |
| Nasionale span | |||
| 2006–2007 | Uruguay O/20 | 4 | (2) |
| 2012 | Uruguay se Olimpiese span | 4 | (3) |
| 2007–2024 | Uruguay | 143 | (69) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Luis Alberto Suárez Díaz (Spaanse uitspraak: [ˈlwis ˈswaɾes]; gebore 24 Januarie 1987) is ’n Uruguaanse professionele sokkerspeler wat as ’n aanvaller vir die Major League Soccer-klub Inter Miami speel. Hy is bekend vir sy doelskietvermoë, beweging en kliniese afronding, en word beskou as een van die beste spelers van sy generasie, sowel as een van die grootste aanvallers van alle tye. Hy staan bekend as "El Pistolero" ("Die Skutter"). Op ’n individuele vlak het hy twee Europese Goue Skoene, ’n Eredivisie Goue Skoen, ’n Premier League Goue Skoen en ’n Pichichi-trofee gewen. Hy het meer as 500 doele in sy loopbaan vir klub en land aangeteken.[1]
Suárez het sy senior klubloopbaan in 2005 by Nacional begin. Op 19-jarige ouderdom het hy by Groningen geteken, voordat hy in 2007 na Ajax oorgeplaas is. Daar het hy die KNVB-beker en die Eredivisie gewen. In 2011 het Suárez by die Premier League-klub Liverpool aangesluit en die Liga-beker in sy eerste volle seisoen gewen. Nadat hy ’n doeltreffende aanvalsvennootskap met Daniel Sturridge gevorm het, het hy die doele-rekord vir ’n 38-wedstryd Premier League-seisoen geëwenaar en in 2014 sy eerste Europese Goue Skoen gewen. Daardie somer het Suárez van Liverpool na Barcelona verskuif in ’n oordrag ter waarde van £64,98 miljoen (€82,3 miljoen aangepas vir inflasie), wat hom een van die duurste spelers van alle tye gemaak het.
Suárez was deel van ’n dominante drietal, bekend as MSN, saam met Lionel Messi en Neymar, en het in sy eerste seisoen die drieslag van La Liga, die Copa del Rey en die UEFA Champions League gewen. In sy tweede seisoen het hy die Pichichi-trofee en sy tweede Europese Goue Skoen gewen, en het die eerste speler sedert 2009 geword wat albei toekennings gewen het buiten Messi of Cristiano Ronaldo.[2] Hy het ook La Liga gelei in assists, en het die eerste speler geword wat beide die doele- én assists-lyste in die liga se geskiedenis gelei het.[3][4] Met Barcelona het Suárez tien bykomende trofeë gewen, insluitend drie La Liga-titels en drie Copa del Rey-titels. Hy het in 2020 by Atlético Madrid aangesluit en in sy debuutseisoen sy vyfde La Liga-titel gewen.[5][6]
Op internasionale vlak is Suárez Uruguay se voorste doelskieter van alle tye, en het voorheen die titel van topskieter in CONMEBOL se Wêreldbeker-kwalifiseringswedstryde beklee voordat Lionel Messi hom verbygesteek het.[7] Hy het sy land verteenwoordig in vier uitgawes van die FIFA Wêreldbeker en vyf van die Copa América, asook by die 2012 Olimpiese Somerspele en die 2013 FIFA Konfederasiebeker. Hy is ingesluit in die 2010 Wêreldbeker All-Star-span en het die 2011 Copa América gewen, waar hy as Beste Speler aangewys is. Buiten sy sokkerverrigtinge was Suárez deur sy loopbaan gereeld betrokke by kontroversie,[8][9][10] insluitend ’n doellyn-handskoot teen Ghana tydens die 2010 FIFA Wêreldbeker, drie voorvalle waarin hy teenstanders gebyt het en beskuldigings van rassisme.[8][9][10][11]
Verwysings
[wysig | wysig bron]- ↑ "Luis Suárez hits 500th career goal". as.com. 21 Maart 2021. Geargiveer vanaf die oorspronklike op 9 Julie 2021. Besoek op 4 Julie 2021.
- ↑ "Luis Suárez gana su segunda Bota de Oro" (in Spaans). CNN. 16 Mei 2016. Geargiveer vanaf die oorspronklike op 17 Mei 2016. Besoek op 16 Mei 2016.
- ↑ Crawford, Stephen (14 Mei 2016). "Luis Suarez: Barca's highest-scoring Uruguayan tops goals AND assist charts". Goal.com. Geargiveer vanaf die oorspronklike op 10 Oktober 2016. Besoek op 15 Mei 2016.
- ↑ "Luis Suarez Player Profile". ESPN. 14 Mei 2016. Geargiveer vanaf die oorspronklike op 10 Mei 2016. Besoek op 15 Mei 2016.
- ↑ "Luis Suarez, Atletico Madrid vindicated by La Liga title win, a crown that means more to Rojiblanco fans in 'different' year". ESPN. 22 Mei 2021. Geargiveer vanaf die oorspronklike op 23 Mei 2021. Besoek op 22 Mei 2021.
- ↑ dsfgb
- ↑ "The all-time top goal scorer of CONMEBOL World Cup qualifying". 10 Desember 2020. Geargiveer vanaf die oorspronklike op 6 Februarie 2021. Besoek op 4 November 2022.
- ↑ "Luis Suárez: 10 previous controversies involving the Liverpool striker". The Guardian. 21 April 2013. Geargiveer vanaf die oorspronklike op 14 Julie 2014. Besoek op 25 Junie 2014.
- ↑ "Luis Suarez: a history of controversy". ITV. 24 Junie 2014. Geargiveer vanaf die oorspronklike op 9 Julie 2014. Besoek op 25 Junie 2014.
- ↑ "Luis Suarez bites Giorgio Chiellini: Uruguay striker's career flashpoints". The Daily Telegraph. London. 24 Junie 2014. Geargiveer vanaf die oorspronklike op 25 Junie 2014. Besoek op 25 Junie 2014.
- ↑ "Luis Suárez: 'Am I a racist? No, absolutely not. I was horrified'". The Guardian. 26 Oktober 2014. Besoek op 16 Mei 2025.
Eksterne skakels
[wysig | wysig bron]
Wikimedia Commons het meer media in die kategorie Luis Suárez.
