Rooikophoutkapper

in Wikipedia, die vrye ensiklopedie
(Aangestuur vanaf Lybius torquatus)

Rooikophoutkapper
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
L. torquatus
Binomiale naam
Lybius torquatus
(Dumont, 1816)

Die rooikophoutkapper (Lybius torquatus) is een van die volopste houtkappers in Afrika. In Engels staan dit as die black-collared barbet bekend.

Voorkomsgebied[wysig | wysig bron]

Die houtkapper kom voor in Afrika suid van die Sahara deur Angola, Botswana, Burundi, die Demokratiese Republiek van die Kongo, Eswatini, Kenia, Lesotho, Malawi, Mosambiek, Namibië, Rwanda, Suid-Afrika, Tanzanië, Uganda, Zambië en Zimbabwe.

Roepgeluide[wysig | wysig bron]

Volwassene inspekteer 'n boomstam
Kuiken van 'n kleinheuningwyser, in werklikheid 'n broeiparasiet, wag om gevoed te word (Honeydew, Johannesburg).

Die rooikophoutkapper is een van etlike duetspesies in die Lybius-genus en uiter gereeld duette in sy dag-tot-dag lewe. Daar word geen sang deur enkelinge gemaak nie.[2] Die repertoire van die duette wissel ook nie veel nie.[3] Hierdie spesie word geredelik herken aan sy harde duet, wat klink soos "toe-poedlie! toe-poedlie! toe-poedlie!" of "toe-doedel! toe-doedel!"[2].... vergesel van 'n vlerkgeklap. Benewens die vlerkgeklap, draai die voëls van die paar na mekaar terwyl hulle fluit, en leun vorentoe terwyl plegtig voor mekaar gebuig word. Hierdie voël gee 'n verskeidenheid van roepe, insluitende sy grommende waarskuwingsroep en skril, harde gegons. Die gromgeluid kan die inisiëring van die duet wees.[2]

Duet[wysig | wysig bron]

Die toe-poedlie-deuntjie is eintlik 'n antifonale duet. Dit beteken dat een voël in die paar die eerste noot sing, en die ander voël in die paar die tweede noot. Vir omstanders klink dit nie of dit uit twee verskillende voëls kom nie.[4] Dit het duidelike seksuele duetrolle, na 'n groetseremonie, en die maat se note verskil. Die voëls sing nie gelyktydig nie, maar is gesinchroniseer in hul duette.[3] Die tyd tussen wanneer een voël ophou sing, en wanneer die ander voël in die paar die deuntjie voortsit, word die ouditiewe reaksietyd vir die duet genoem. Die geskatte ouditiewe reaksietyd vir hierdie voël is 178 ms.[2]

Dieet/voeding[wysig | wysig bron]

Hierdie houtkappers is meestal enkellopende voëls wat verskeie soorte vrugte en groente vreet. Hulle besoek gereeld plantasies om daar kos te vind. Die vrugte word heel geëet en die pitte later uitgebraak.[4]

Broeityd[wysig | wysig bron]

Die L. torquatus-spesie se broeiseisoen strek van Desember tot Februarie.[2]

Sien ook[wysig | wysig bron]

Verwysings[wysig | wysig bron]

  1. BirdLife International (2012). "Lybius torquatus". IUBN-rooilys van Bedreigde Spesies. Weergawe 2012.1. Internasionale Unie vir die Bewaring van die Natuur. Besoek op 16 Julie 2012. {{cite web}}: Ongeldige |ref=harv (hulp)
  2. 2,0 2,1 2,2 2,3 2,4 Payne, R. B. en N. J. Skinner. "Temporal Patterns of Duetting in African Barbets." Ibis 112.2 (1970): 173-183. Web.
  3. 3,0 3,1 Short, Lester L. en Jennifer F. Horne. "A Review of Duetting, Sociality and Speciation In Some African Barbets (Capitonidae)." Condor 85.3 (1983): 323-32. Web.
  4. 4,0 4,1 "Africa’s Barbets." 10,000 Birds. N.p., n.d. Web. Besoek op 3 Desember 2013.