Lyfbranderry

in Wikipedia, die vrye ensiklopedie
Jump to navigation Jump to search
Lyfbranderry in San Diego in Januarie 2008

Lyfbranderry (Engels: bodysurfing) is die kuns en sport om branders te ry sonder die benutting van toerusting soos 'n branderplank of lyfplank. Lyfbranderryers sal normaalweg slegs swemvinne gebruik om hulself in die water mee voort te stu. Sommige beoefenaars van die sport sal ook 'n klein bordjie in hul hand gebruik om oor die water te skeer en te help met posisionering op die oppervlak van die brander. Hierdie toerusting help ook om ekstra spoed op die brander te genereer. Gevorderde lyfbranderryers voer dikwels ook toertjies op die branders uit.[1]

Bekende plekke[wysig | wysig bron]

Die beste branders vir die beoefening van lyfbranderry is sterk, silindriese branders wat vinnig breek oor 'n sandbodem.[1] Bekende lyfbranderryplekke sluit in Sandy Beach en Makapuu op Oahu-eiland (Hawaii), en die Wedge by Newport Beach in Kalifornië.[1] Point Panic is 'n plek op Oahu-eiland wat uitsluitlik vir die gebruik van lyfbranderryers gereserveer is.[2]

Kompetisies[wysig | wysig bron]

Die lyfbranderrywêreldkampioenskappe vind jaarliks in Augustus by Oceanside in Kalifornië plaas.[3] Die Pipeline Bodysurfing Classic is nog 'n bekende lyfbranderrykompetisie wat jaarliks in Januarie by die Pipeline op die eiland Oahu (Hawaii) gehou is, maar waarvan die organiseerders se aansoeke om 'n permit vir eksklusiewe toegang tot die Pipeline ontspanningsarea vir die duur van die kompetisie sedert 2011 herhaaldelik geweier is.[4]

Robin Möhr het in 2010 die eerste persoon geword om as lyfbranderryer die reusagtige branders by Dungeons in Houtbaai naby Kaapstad aan te durf.[5] Hy moes 'n handskeerbordjie gebruik om genoeg spoed te genereer om die branders te kon vang en suksesvol te ry.

Tydskrif[wysig | wysig bron]

Swell Lines is die eerste tydskrif uitsluitlik gemik op lyfbranderry. Dit word sedert Maart 2014 maandeliks aanlyn gepubliseer en bevat normaalweg vyf kort artikels oor onder andere lyfbranderry-gebeure, toerusting, en bekende persoonlikhede in die sport.[6]

Fotogalery[wysig | wysig bron]

Verwysings[wysig | wysig bron]

  • "Secrets of a Kahuna Bodysurfer:A Spiritual Adventure Guide" deur Lani E Lowel (1999/2006)
  • The Art of Bodysurfing deur Robert Gardner (1972)
  • Bodysurf deur Hugo Verlomme en Laurent Masurel (2002)
  • The Art of Wave Riding deur Ron Drummond (1931)
  • The Encyclopedia of Surfing, 2005, Matt Warshaw, Harcourt Books, ISBN 0-15-100579-6

Eksterne skakels[wysig | wysig bron]