M.D.C. de Wet Nel

in Wikipedia, die vrye ensiklopedie
M.D.C. de Wet Nel
M.D.C. de Wet Nel

Minister van Bantoe-administrasie en -ontwikkeling
Ampstermyn
1958 – 6 September 1966
Eerste minister H.F. Verwoerd

Minister van Gesondheid, Onderwys, Kuns en Wetenskap
Ampstermyn
1957 – 1958
Eerste minister J.G. Strijdom

Persoonlike besonderhede
Gebore Michiel Daniel Christiaan de Wet Nel
9 Junie 1901
Lushington, distrik Stockenstroom
Sterf 20 Augustus 1984 (op 83)
Pretoria
Politieke party Nasionale Party

Michiel Daniel Christiaan de Wet Nel (9 Junie 1901 – 20 Augustus 1984) was 'n Suid-Afrikaanse politikus, lid van die Nasionale Party, LV vir Wonderboom (1943-1966), Minister van Gesondheid, Onderwys, Kuns en Wetenskap (1957-1958) en Minister van Bantoe-administrasie en -ontwikkeling (1958-1966).

Biografie[wysig | wysig bron]

M.D.C. de Wet Nel is op 9 Junie 1901 op Lushington gebore in die distrik Stockenstroom (Oos-Kaap), en het skoolgegaan op Winburg in die Oranje-Vrystaat, voordat hy aan die Universiteit van Pretoria in sosiale antropologie gaan studeer het.

Hy was voorsitter van die studenteraad en sekretaris van die National Union of South African Students (NUSAS) vir die Pretoria-tak, hy was hoofsekretaris van die Nasionale Party van 1937 tot 1946 en is verkies tot volksraadslid vir Wonderboom in die Suid-Afrikaanse algemene verkiesing van 1943.

Daan de Wet Nel, ondervoorsitter van die parlement se kommissie vir Binnelandse Sake vanaf 1949, het eers by die Strijdom-regering aangesluit as adjunkminister vir Binnelandse Sake en het daarna in 1957 Minister van Onderwys geword na die dood van minister Jan Viljoen.

Hy was toe een van die mees radikale verteenwoordigers van die party en 'n vurige ondersteuner van Hendrik Verwoerd en apartheidsbeleid. As minister van Bantoe-administrasie en -ontwikkeling (1958-1966) in die Verwoerd-kabinet het hy die Wet oor die Bevordering van Bantoe-selfbeskikking deurgevoer.

In 1966 word hy aangestel as kommissaris-generaal in beheer van die territoriale gebiede van die Venda en Tsonga.



Hierdie artikel is in sy geheel of gedeeltelik vanuit die Franse Wikipedia vertaal.