MSV Neuruppin

in Wikipedia, die vrye ensiklopedie
Jump to navigation Jump to search
MSV Neuruppin
MSV Neuruppin.png
Volledige naam Märkischer Sportverein
1919 Neuruppin e.V.
Bynaam
Stigtingsdatum 1919
Tuisveld Volksparkstadion,
Neuruppin
Kapasiteit 5 300
Kompetisie Oberliga Noordoos-Noord

MSV Neuruppin is 'n sportklub uit Neuruppin in die deelstaat Brandenburg in Duitsland, veral bekend vir sy sokkerafdeling. Behalwe sokker, het die klub ook afdelings vir atletiek, biljard, boks, skaak, sport vir gestremdes, gimnastiek, voetslaan, swem, tafeltennis, vlugbal en algemene ontspanning.

Die klub is gestig as Neuruppiner Turnerbund in 1919. Dit het ontwikkel in die militêre sportklub Militärsportverein Neuruppin en later in Märkischer Sportverein Neuruppin. Na die Tweede Wêreldoorlog is die klub in 1945 heropgerig as SG Neuruppin, maar hierna (in tipies Oos-Duitse styl) het 'n reeks naamsveranderinge gevolg: ZSG Neuruppin (1948), Nordwest Neuruppin (1949), BSG Konsum Neuruppin (1950), BSG Empor Mitte Neuruppin (1951) en toe BSG Empor Neuruppin (1952). Tussen 1983 en 1989 het die klub bekend gestaan as Elektronik Neuruppin. Na die Duitse hereniging het die klub sy naam eers verander na TuS Neuruppin en toe na die huidige naam (wat ook die klub se naam was voor die Tweede Wêreldoorlog).

Neuruppin het nooit die hoër Oos-Duitse ligas gehaal nie en het sy grootste prestasies in die herenigde Duitsland behaal:

Na die klub aanvanklik op die 6de vlak in die Landesliga ingedeel is, het dit die Oberliga Noordoos-Noord in 2001 gehaal. In die 2004/05-seisoen het MSV tweede geëindig na FC Hansa Rostock se amateurspan, wat nie aansoek gedoen het om 'n Regionalliga-lisensie nie. Dit het Neuruppin die geleentheid gegee om aan 'n uitspeelrondte om promosie na die Regionalliga deel te neem. Die klub is egter verslaan deur FC Carl Zeiss Jena. Dieselfde seisoen het die klub die Brandenburgpokal gewen (2-1 teen SV Babelsberg 03), wat aan hom toegang tot die hoofrondte van die volgende seisoen se DFB-Pokal gegee het.

Die span is geloot om teen FC Beiere München te speel. Die klub het verkies om die wedstryd in die Olimpiese stadion in Berlyn te speel en alhoewel Neuruppin met 0-4 verloor het, was daar 33 200 toeskouers, die meeste wat nog ooit 'n wedstryd van MSV bygewoon het.

Die klub sukkel tans (status 2007) met finansiële probleme en moes die meeste van sy beste spelers verkoop.

Onlangse ligaposisionering[wysig | wysig bron]

  • 1993-94 (V) Landesliga Brandenburg-Noord 13de
  • 1994-95 (VI) Landesliga Brandenburg-Noord 4de
  • 1995-96 (VI) Landesliga Brandenburg-Noord 2de
  • 1996-97 (VI) Landesliga Brandenburg-Noord 8ste
  • 1997-98 (VI) Landesliga Brandenburg-Noord 10de
  • 1998-99 (VI) Landesliga Brandenburg-Noord 3de
  • 1999-00 (VI) Landesliga Brandenburg-Noord 1ste
  • 2000-01 (V) Verbandsliga Brandenburg 1ste
  • 2001-02 (IV) Oberliga Noordoos-Noord 9de
  • 2002-03 (IV) Oberliga Noordoos-Noord 7de
  • 2003-04 (IV) Oberliga Noordoos-Noord 8ste
  • 2004-05 (IV) Oberliga Noordoos-Noord 2de
  • 2005-06 (IV) Oberliga Noordoos-Noord 2de
  • 2006-07 (IV) Oberliga Noordoos-Noord 15de
  • 2007-08 (V) Verbandsliga Brandenburg

Eksterne skakels[wysig | wysig bron]

Oberliga Noordoos-Noord 2006/07-seisoen

Berlin AK 07 | BFC Dynamo | BFC Preussen | Türkiyemspor Berlyn | FC Schönberg 95 |
FV Motor Eberswalde | Germania Schöneiche | FC Hansa Rostock II | Lichterfelder FC |
Ludwigsfelder FC | MSV Neuruppin | SV Babelsberg 03 | SV Yeşilyurt Berlyn | Tennis Borussia Berlyn |
Torgelower SV Greif | TSG Neustrelitz