Macrorie Huis

in Wikipedia, die vrye ensiklopedie
Jump to navigation Jump to search
Macrorie Huis
'n Beeld van die museum.
Die Macrorie Huis in Pietermaritzburg

Plek Pietermaritzburg
Land Vlag van Suid-Afrika Suid-Afrika
Openingsjaar 1966
Geopen deur Stigting Simon van der Stel
Tipe museum Geskiedkundige huis

Macrorie Huis was 'n museum in Pietermaritzburg.

Hierdie dubbelverdiepinghuis met sy vaal mure, geteëlde dak, erkers, balkon, koetshuis, perdestalle en gietysterheining is op die hoek van Loop- (nou Jabu Ndlovu-) en Pinestraat by 30° 22′ 19″ suid en 29° 36′ 41″ oos. Dit is net na 1860 in die Victoriaanse styl gebou. In 1870 het biskop Macrorie, sy vrou Agnes en hul gesin die huis betrek.

In 1966 het die Stigting Simon van der Stel en die munisipaliteit van die stad die huis aangekoop, herstel en nege jaar later as museum geopen. Dit is gemeubileer met meubels, glasware, breekgoed, boeke en foto’s uit die Victoriaanse era en met persoonlike eiendomme van die Macrorie-familie. Die biskop se eie privaat kapel en 'n unieke altaarskerm is in die huis. Historiese en kerklike gedenkwaardighede uit die era is dus hier te besigtig.

In 2015 is dele van die besondere heining van gietyster om die erf en balkon gesteel. Die volgende jaar is die museum weens kwynende befondsing en die veiligheidsituasie by die huis gesluit.

William Kenneth Macrorie (1831–1905) is in 1860 deur Robert Gray, die eerste Anglikaanse biskop van Kaapstad en die man van Sophia Gray, as opvolger van John William Colenso tot die Anglikaanse biskop van Natal gewy.

Die museum is in 2016 gesluit.[1]

Verwysings[wysig | wysig bron]

Bronne[wysig | wysig bron]

  • Fransen, Hans (samesteller): Guide to the museums of Southern Africa. Kaapstad: Southern African Museums Association, 1978.

Koördinate: 30°22′19″S 29°36′41″O / 30.37194°S 29.61139°O / -30.37194; 29.61139