Madikwe-wildreservaat

Madikwe-wildreservaat
Rooibokke
Land	Suid-Afrika
Provinsie	Noordwes
Naaste dorp	Zeerust
Madikwe-wildreservaat
Koördinate: 24°29′0″S 26°13′0″O
Oppervlak	75 000 ha

'n Leeuwelpie in die Madikwe-wildreservaat

Die Madikwe-wildreservaat is 75 000 hektaar groot, en is in Noordwes aan die grense van Limpopo en Botswana geleë.

Die naaste dorp is Zeerust, 85 km suid van die reservaat. Die Groot-Maricorivier vorm die oostelike grens van die reservaat. Abjaterskop (1 377 m) is die hoogste punt in die reservaat.

Olifante

220 olifante is in die vroeë 1990's in Madikwe gevestig, met die oog op 'n volhoubare bevolking van, volgens sekere ramings, sowat 250 tot 500 diere. Die olifante het aangeteel en die beraamde drakrag van die reservaat binne enkele jare oorskry. In 2025 was daar reeds meer as 1 600 olifante wat 'n opmerklike uitwerking op hul habitat het. Kritici van die beweerde oorbevolking stel gereguleerde jaarlikse uitdunning van sowat 16 olifante voor, of sowat 500 elke 30 jaar, terwyl diereregtegroepe van mening is dat die natuur sy gang moet gaan.

Bron

• Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.

Eksterne skakels

• Webblad van Madikwe-wildreservaat