Zambezi elektriese-baber

in Wikipedia, die vrye ensiklopedie
(Aangestuur vanaf Malapterurus shirensis)

Zambezi elektriese-baber
Wetenskaplike klassifikasie edit
Domein: Eukaryota
Koninkryk: Animalia
Filum: Chordata
Klas: Actinopterygii
Orde: Siluriformes
Familie: Malapteruridae
Genus: Malapterurus
Spesie:
M. shirensis
Binomiale naam
Malapterurus shirensis

Die Zambezi elektriese-baber (Malapterurus shirensis) is 'n varswatevis wat voorkom in die middel en onderste gedeelte van die Zambezirivier, Pungwerivier en onderste gedeelte van die Saverivier. In Engels staan die vis bekend as die Zambezi electric catfish.

Voorkoms[wysig | wysig bron]

Die dorsale vin is klein en die stertvin is bolrond. Die kop en lyf is rond en vlesig. Daar is drie paar baarde onder die mond. Die vis is grys aan die bokant, wit aan die onderkant en daar is onreëlmatige vlekke op die lyf. Die vis word tot 500 mm lank. Die Zimbabwese hengelrekord is 5,33 kg.

Habitat[wysig | wysig bron]

Die vis leef tussen rotse en boomwortels in stadigvloeiende of stilstaande water. Die vis is naglewend en vreet hoofsaaklik vis wat verlam word met elektriese skokke. Die elektriese orgaan, wat skokke van tussen 300 - 400 volt lewer, bedek die hele lyf as 'n spesiale laag net onder die vel. Dit word gebruik vir beide aanval en verdediging. Die visse vorm pare en broei in uitgegraafde gate of holtes. Die spesie kan tot 10 jaar oud word.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. Bills, R.; Marshall, B. (2010). "Malapterurus shirensis". IUCN Red List of Threatened Species. 2010: e.T183020A8030091. doi:10.2305/IUCN.UK.2010-3.RLTS.T183020A8030091.en. Besoek op 20 November 2021.
  2. Roberts, Tyson R. (2000). "A review of the African electric catfish family Malapteruridae, with descriptions of new species". Occasional Papers in Ichthyology. 1: 1–15.

Eksterne skakel[wysig | wysig bron]