Maletsunyane-waterval
Die Maletsunyane-waterval is ‘n unieke waterval in Lesotho.
Ligging[wysig | wysig bron]
Hierdie waterval is in die Maletsunyane-rivier, ‘n boloop van die Oranjerivier, enkele kilometer buite Semonkong (“die plek van rook”) en 121 km van Maseru. Dit is 2200 m bo seespieël en by die ruitverwysing 29°52′7″S 28°3′6″O / 29.86861°S 28.05167°OKoördinate: 29°52′7″S 28°3′6″O / 29.86861°S 28.05167°O.
Waterval[wysig | wysig bron]
Die val is 192 m hoog. Na die Tugelawaterval is dit die hoogste ononderbroke waterval in die suidelike halfrond. Selfs in die somer skyn die son nie by die bodem van die val nie. In die winter hang daar groot yskegels en bly ys daar tot vroeg in die somer lê.
Toerisme[wysig | wysig bron]
Die val kan met ponies besoek word. Langs die val word abseil beoefen. Die hoogte van 204 m is blykbaar die hoogste abseil in die wêreld. In die winter is die waterval met sy ys ‘n besondere natuurverskynsel.
Geskiedenis[wysig | wysig bron]
Die eerste Europeër wat die plek besoek het, was toe die Franse sendeling Francois Le Bihan (1833-1916) in 1881 daar was. Soms word daarom gepraat van die Le Bihan-waterval.
Bibliografie[wysig | wysig bron]
- britannica.com
- van der Merwe, H.W.: Maletsunyane - die onbekende wonders van Suid-Afrika se Switserland. In: Lantern. Tydskrif vir Volksopvoeding. Jaargang 5, nr. 3, Januarie 1956
- wondermondo.com
- worldtoptop.com