Mamma, 'k wil 'n man hê

"Mamma, 'k wil 'n man hê"
Genre	Afrikaanse volksmusiek
Woorde	Tradisioneel
Melodie	Volkswysie
Verwerking	Dirkie de Villiers
Oorsprong
Taal/land	Sweeds
Portaal    Musiek

"Mamma, 'k wil 'n man hê" is ’n gewilde Afrikaanse volksliedjie. Dit is as lied 94 in die FAK-sangbundel opgeneem.

Woorde

Mamma, 'k wil 'n man hê!
Watter man, my liewe kind?
Wil jy dan 'n Fransman hê?
Nee, mamma, nee!
'n Franseman die wil ek nie,
want "parlez-vous" verstaan ek nie;
dit is my plesier,
met die Boerjongkêrels hier!

Mamma, 'k wil 'n man hê!
Watter man, my liewe kind?
Wil jy dan 'n Hollander hê?
Nee, mamma, nee!
'n Hollander die wil ek nie,
want klompe dra – dit sal ek nie;
dit is my plesier,
met die Boerjongkêrels hier!

Mamma, 'k wil 'n man hê!
Watter man, my liewe kind?
Wil jy dan 'n Duitser hê?
Nee, mamma, nee!
'n Duitserman die wil ek nie,
want "Schweinefleisch" – dit lus ek nie;
dit is my plesier,
met die Boerjongkêrels hier!

Mamma, 'k wil 'n man hê!
Watter man, my liewe kind?
Wil jy dan 'n Boerseun hê?
Ja, mamma, ja!
'n Boereman die wil ek hê,
in 'n Boer se arme wil ek lê;
dit is my plesier,
met die Boerjongkêrels hier!