Mandelabaai-teaterkompleks
| Mandelabaai-teaterkompleks | |
 Binnekant van die Operahuis, circa 1988. | |
| Inligting | |
|---|---|
| Naam | Mandelabaai-teaterkompleks |
| Dorp/stad | Gqeberha |
| Land | South Africa |
| Argitek | |
| Voltooidatum | 1892 |
| Styl | Viktoriaanse styl |
Mandelabaai-teaterkompleks (amptelik die Mandela Bay Theatre Complex), voorheen die Port Elizabeth Operahuis, (soms na verwys as MBTC) is 'n teater in Gqeberha, Suid-Afrika.[1] Dit het in 1892 geopen en is sedert 1980 'n nasionale gedenkwaardigheid. Dit is een van die voorkeurlokale vir uitvoerende kunste in die Oos-Kaap.[2] Dit is die oudste teater in Afrika en een van die oudstes in die Suidelike Halfrond.[3]
Die Hoofverhoog is gebou vir ballet, opera en groter produksies, soos musiekblyspele, met 598 sitplekke op twee vlakke. Benewens die hoofverhoog is daar 'n kleiner, multifunksionele lokaal genaamd The Barn Theatre met kapasiteit vir 100 tot 150 mense, afhangend van die styl van die produksie wat aangebied word. MBTC ondersteun uitvoerende kunste-opvoeding en -ontwikkelingsprogramme.
Geskiedenis
[wysig | wysig bron]Dit is in 1892 gebou, voor daar 'n plaaslike spoorlyn gebou is, en is aanvanklik vir sowat 16 jaar lank met kerse en kalkligte verlig, voordat gasbeligting in gebruik geneem is. Dit is die oudste en die laaste oorblywende Victoriaanse teater op die vasteland van Afrika. Benewens verskeie internasionale kunstenaars en internasionale balletgeselskappe, het Suid-Afrikaanse kunstenaars soos Athol Fugard, John Kani, Thoko Ntshinga, Winston Ntshona en Elizabeth Connell hier opgetree.
Verwysings
[wysig | wysig bron]- ↑ "Mandela Bay Theatre Complex (previously PE Opera House) - Nelson Mandela Bay (Port Elizabeth)". Nelson Mandela Bay Tourism.
- ↑ "Mandela Bay Theatre Complex – Artslink.co.za". Geargiveer vanaf die oorspronklike op 19 Maart 2025. Besoek op 19 Maart 2025.
- ↑ Ngonyama, Monde, Mr (10 Maart 2022). "The Mandela Bay Theatre ("MBTC") Complex Three Year Strategic Plan" (PDF). THE DEPARTMENT OF SPORTS, ART AND CULTURE. Geargiveer vanaf die oorspronklike (PDF) op 19 Mei 2025. Besoek op 19 Mei 2025.
{{cite web}}: AS1-onderhoud: meer as een naam (link)
