Maoïsme

	Mao Zedong-denke
	Die voorsitter van die Kommunistiese Party van China, Mao Zedong.
	Name (taalvariante)
Tradisionele Chinees	毛澤東思想
Vereenvoudigde Chinees	毛泽东思想
Pinyin	Máo Zédōng Sīxiǎng

Mao Zedong-denke, of Maoïsme, is ’n politieke teorie wat afgelei is van die leringe van die voorsitter van die Kommunistiese Party van China (KPC), Mao Zedong (1893-1976), wie se volgelinge bekend is as Maoïste. Dit is van die 1950's af ontwikkel tot met die hervormings van Deng Xiaoping in die 1970's en is algemeen toegepas as leidende politieke en militêre ideologie van die KPC. Dit het ook as riglyn gedien vir rewolusionêre beweging oor die wêreld heen.

Die basiese verskil tussen Maoïsme en ander vorme van Marxisme is dat Mao gesê het kleinboere moet die bolwerk van die rewolusionêre energie wees en gelei word deur die werkersklas in China.