Marcello Lippi

Marcello Lippi

Lippi in 2010
Persoonlike inligting
Geboortenaam	Marcello Romeo Lippi
Geboortedatum	12 April 1948 (1948-04-12)
Geboorteplek	Viareggio, Toskane, Italië
Lengte	1,82 m
Speelposisie	Libero
Jeugloopbaan
1963–1969	Viareggio
Seniorloopbaan*
Jare	Span	Kere†	(Doele)†
1969–1979	Sampdoria	274	(5)
1969–1970	→ Savona (leen)	21	(2)
1979–1981	Pistoiese	45	(0)
1981–1982	Lucchese	23	(0)
Totaal		363	(7)
Nasionale span
1971	Italië o/23	2	(0)
Spanne bestuur
1985–1986	Pontedera
1986–1987	Siena
1987–1988	Pistoiese
1988–1989	Carrarese
1989–1991	Cesena
1991–1992	Lucchese
1992–1993	Atalanta
1993–1994	Napoli
1994–1999	Juventus
1999–2000	Inter Milaan
2001–2004	Juventus
2004–2006	Italië
2008–2010	Italië
2012–2014	Guangzhou Evergrande
2016–2019	China
2019	China
* Kere vir seniorklub uitgedraf en doele is net vir die plaaslike liga.. † Kere uitgedraf (Doele).

Marcello Romeo Lippi (gebore 12 April 1948) is ’n Italiaanse voormalige professionele sokkerspeler en afrigter. Hy het die grootste deel van sy speelloopbaan as ’n sentrale verdediger, of libero, by Sampdoria deurgebring, waar hy ononderbroke van 1969 tot 1978 gespeel het. Hy het in 1982 op die ouderdom van 34 opgehou speel en het eerder ’n afrigtingsloopbaan begin. Sy suksesvolste werk op klubvlak was by Juventus, waar hy vyf keer die plaaslike Scudetto gewen het en in 1996 die UEFA Kampioeneliga, nadat hulle Ajax in die eindstryd geklop het.

In Julie 2004 is hy as hoofafrigter van die Italiaanse nasionale span aangestel, en twee jaar later het die Azzurri die mees gesogte titel in wêreldsokker gewen: die Wêreldbeker. Die toernooi in Suid-Afrika vier jaar later het egter in ’n Italiaanse fiasko geëindig.

Op 17 Mei 2012 het Guangzhou Evergrande van die Chinese Superliga aangekondig dat hulle Lippi amptelik op ’n twee-en-’n-half-jaar-kontrak ter waarde van sowat €30 miljoen onderteken het. Die aanstelling was ’n groot sukses, en onder Lippi se leiding het die span die Chinese liga drie keer gewen, asook ander binnelandse bekertoernooie en die Asiatiese Kampioeneliga. Hy het daarna die eer gehad om die Chinese nasionale span te lei voordat hy sy afrigtingsloopbaan in 2019 afgesluit het.