Margaret Sixel
Margaret Sixel is ’n Australiese rolprentredigeerder wat in Suid-Afrika gebore is. Sy het al in verskeie genres gewerk, soos dokumentêre, lewende-aksie-kortprente, animasiekomedies en epiese aksieflieks. Haar ouers, Harry and Joan Sixel, woon in Constantia, Kaapstad.[1]
Loopbaan[wysig | wysig bron]
Sixel het rolprentredigering in Australië gestudeer en in 1989 ’n spesialissertifikaat behaal.[2] Sy is die bekendste vir haar werk aan rolprente soos Babe: Pig in the City (1998), Happy Feet (2006) en Mad Max: Fury Road (2015). Vir laasgenoemde het sy in 2016 die Oscar gewen vir beste rolprentredigering.
Sy is in 1995 met die regisseur van Mad Max: Fury Road, George Miller, getroud. Toe sy in 2012 aan dié fliek begin werk, het iemand Miller gevra hoekom hy sy vrou die prent laat redigeer. Hy het geantwoord dis omdat sy nog nooit ’n aksieprent geredigeer het nie; as hy "die gewone soort ouens" vra om dit te doen, "sal die prent nes enige ander aksiefliek lyk".[3]
Verwysings[wysig | wysig bron]
- ↑ Oscars Mad about SA, Cape Argus, 29 Februarie 2016 Geargiveer 3 Maart 2016 op Wayback Machine URL besoek op 29 Februarie 2016
- ↑ Graduate profile, Australian Film, Television and Radio School, archived from the original on 2015-10-08, https://web.archive.org/web/20151008163405/http://www.aftrs.edu.au/showcase/students-and-films/students/1989/margaret-sixel, besoek op 2015-10-04
- ↑ Press Conference of Mad Max with George MILLER, Charlize Theron, Tom Hardy, Nicholas Hoult, Doug Mitchell, Cannes Film Festival, 14 Mei 2015, https://www.youtube.com/watch?v=tI6k_8tomRE, besoek op 2015-10-14
