Margaret van der Post

in Wikipedia, die vrye ensiklopedie
Jump to navigation Jump to search
Margaret van der Post
GeboortenaamBeatrice Margaret van der Post
Geboorte20 Julie 1938 (1938-07-20) (81 jaar oud)
Bloemfontein
Beroep(e)Akademikus, operasangeres
Tipe stemSopraan
Portal.svg Musiekportaal

Margaret van der Post is 'n Suid-Afrikaanse sopraan en musiekonderwyser. Sy is bekend vir haar radio-uitsendings en konsertoptredes saam met die Nasionale Simfonie-orkes.[1][2][3]

Biografie[wysig | wysig bron]

Beatrice Margaret van der Post is op 20 Julie 1938 in Bloemfontein gebore en was 'n polio-lyer.

Sy is aanvanklik in Pretoria deur Ena Bennett in klavierspel opgelei en vorder tot UOLM van UNISA (die Universiteit van Suid-Afrika se Onderwyslisensiaat in Musiek). Teen die tyd het sy sanglesse by Anna Elizabeth Pohl geneem.

Sy ontvang 'n beurs van die Afrikaanse Musiekklub, die Lord Clarendon Cup vir vokale prestasie en die Buchanan-prys nadat sy as naaswenner van UNISA se oorsese beurs aangewys is. Toegerus met haar lisensiate vir klavier en sang, is sy na Londen om verder te studeer, nadat die Pretoriase publiek die fondse bygedra het. Na twee jaar onder leiding van Maria Santi het sy 'n verdere jaar onder Borishka Gereb studeer. Later het sy na Gereb vir verdere opleiding teruggekeer.

In 1964 keer sy na Suid-Afrika terug en werk as dosent in sang by die Pretoria Konservatorium vir Musiek. Sy word bekend vir haar radio-uitsendings en konsertoptredes saam met die Nasionale Simfonie-orkes. Sy neem aan 'n toer wat TRUK gereël het deel en sing in Bloemfontein, waar die Universiteit van die Vrystaat haar in 1969 aangestel om lesings by hul konservatorium aan te bied. Sy het haar konsertloopbaan in Bloemfontein voortgesit.

Verwysings[wysig | wysig bron]

  1. ’n Lied van lig, Volksblad, 30 Julie 2007
  2. Biografiese inligting, besoek op 20 Julie 2014
  3. Vandag in die ou dae, Beeld, 20 Julie 1998