Maria Boleyn
| Maria Boleyn | |
|---|---|
_-_Portrait_of_a_Woman_-_RCIN_402991_-_Royal_Collection.jpg) 'n 17de-eeuse afdruk van 'n vermiste portret deur Remigius van Leemput. | |
| Bekend as | Minnares van Hendrik VIII en suster van Anna Boleyn |
| Gebore | 1499 of 1500 |
| Oorlede | 19 of 30 Julie 1543 (op 43-44) |
| Eggenoot |
|
| Familie | Boleyn |
| Vader | Thomas Boleyn, 1ste graaf van Wiltshire |
| Moeder | Elizabeth Howard |
| Kinders | Catherine Carey, lady Knollys Henry Carey, 1ste baron Hunsdon Edward Stafford (betwis) Anne Stafford (betwis) |
Maria Boleyn (Engels: Mary Boleyn, ook bekend as lady Mary;[1] omstreeks 1499[2] - 19 of 30 Julie 1543), was 'n Engelse adellike en die suster van Anna Boleyn, die tweede vrou van Hendrik VIII. Haar familie het aansienlike invloed tydens Hendrik se bewind gehad.
Maria was vir 'n onbekende tydperk een van die minnaresse van Hendrik VIII. Daar is gegis dat sy die lewe aan twee van die koning se kinders geskenk het, hoewel Hendrik nie een van hulle erken het nie. Maria was na bewering ook tussen 1515 en '19 vir 'n ruk die minnares van Hendrik se mededinger, koning Frans I van Frankryk.[3]
Maria Boleyn het twee keer getrou: in 1520 met William Carey en in 1534 in die geheim met William Stafford, 'n soldaat van 'n goeie familie, maar met min vooruitsigte. Hendrik VIII en koningin Anna was woedend oor dié geheime huwelik benede haar stand en dit het daartoe gelei dat Maria uit die koninklike hof verban is. Sy is sewe jaar later oorlede nadat sy die res van haar lewe in duistere omstandighede deurgebring het.
Verwysings
[wysig | wysig bron]- ↑ "Katherine Knollys". Westminster Abbey – Founded 960. The Dean and Chapter of Westminster. Besoek op 2 Junie 2016.
- ↑ Antonia Fraser, The Wives of Henry VIII (Alfred A. Knopf, New York, 1992), p. 119
- ↑ Letters and Papers of the Reign of Henry VIII, X, no.450.
Skakels
[wysig | wysig bron]
Wikimedia Commons het meer media in die kategorie Maria Boleyn.
Hierdie artikel is in sy geheel of gedeeltelik uit die Engelse Wikipedia vertaal.
