Marike de Klerk

in Wikipedia, die vrye ensiklopedie
Marike de Klerk
Marike de Klerk

Presidentsvrou van Suid-Afrika
Ampstermyn
1989 – 1994
President F.W. de Klerk
Voorafgegaan deur Anna Elizabeth Botha
Opgevolg deur Winnie Madikizela-Mandela

Persoonlike besonderhede
Gebore 29 Maart 1937
Pretoria
Sterf 3 Desember 2001
Kaapstad
Politieke party NP
Eggenoot/-note Frederik Willem de Klerk
Kind(ers) Jan de Klerk, Willem de Klerk, Susan de Klerk
Alma mater Potchefstroomse Universiteit vir C.H.O.
Religie Gereformeerd

Marike de Klerk (29 Maart 19373 Desember 2001) was die presidentsvrou van Suid-Afrika as vrou van die voormalige Staatspresident F.W. de Klerk gedurende 1989–1994. Sy was ook 'n politikus van die voormalige regerende Nasionale Party in haar eie reg. Sy is in 2001 in haar huis in Kaapstad vermoor.

Biografie[wysig | wysig bron]

Persoonlike lewe[wysig | wysig bron]

Marike en haar aanstaande, FW de Klerk verkoop Pukkies op universiteit, omstreeks 1956.

Marike is gebore in 'n bo-middelklas Afrikanergesin van Pretoria. Haar vader, Wilhelm Willemse, was 'n akademikus en skrywer. Hy was professor van sosiale patologie en sielkunde aan die Universiteit van Pretoria.

Marike ontmoet haar toekomstige man, FW de Klerk, aan die Potchefstroomse Universiteit waar sy studeer het vir 'n handelsgraad. Die egpaar is later getroud en het drie kinders saam aangeneem; Jan, Willem en Susan.

F.W. en Marike de Klerk was vir 39 jaar getroud voordat hulle geskei is in 1998. F.W. de Klerk het 'n week later weer getrou.

In 2000 het sy verdere emosionele omwenteling in die gesig gestaar toe haar verhouding met haar verloofde en sakeman Johan Koekemoer, ineengestort het. Toe die media aan die lig gebring het dat hy dreigende bankrotskap in die gesig staar, het Marike haar verloofde verdedig, maar hy het kort daarna 'n senuwee-ineenstorting ondervind en is in 'n Pretoriase kliniek opgeneem.

In die later jare van haar lewe het sy aan erge depressie gely.

Loopbaan[wysig | wysig bron]

Marike de Klerk en haar vader, Willem Willemse, se grafsteen in die Pretoria-Wes-begraafplaas.

Tydens haar man se presidentskap was Marike die leier van die Nasionale Party se damestak.

In 1993 is sy bekroon met die "Vrou vir Vrede"-toekenning in Genève, Switserland vir die bevordering van die welstand en ontwikkeling van landelike vroue.

Sy het later twee boeke geskryf. In A Journey Through Summer and Winter beskryf sy haar huwelik van 39 jaar met F.W. de Klerk. Later in A Place Where the Sun Shines Again (Afr: "'n Plek waar die son weer skyn") gee sy leiding aan vroue wat egskeiding in die gesig staar, soos later in haar lewe.

Haar gewese man het 'n hoofstuk uit A Place Where the Sun Shines Again, wat handel oor sy ontrouheid, suksesvol laat sensor.[1]

Moord[wysig | wysig bron]

Op 3 Desember 2001 is Marike de Klerk in haar Kaapstadse woonstel vermoor.

In Mei 2003 is 'n voormalige sekuriteitswag, Luyanda Mboniswa, skuldig bevind aan haar moord.[2]

Haar moord is deur baie hoë-profiel figure bespreek. Suid-Afrikaanse president Thabo Mbeki het opgemerk dat sy 'n "sterk, pragtige en waardige vrou was". Winnie Madikizela-Mandela het gesê dat "...as 'n vrou, kan ek met die uitputting van haar emosionele hulpbronne identifiseer in die vorming van haar gewese man se loopbaan".

F.W. de Klerk sê in sy eie verklaring: "Ek het met 'n groot skok en hartseer van die omstandighede van die tragiese dood van my gewese vrou Marike gehoor."

De Klerk het haar eiendomme en boedel van R2 miljoen aan haar kinders bemaak.[3]

Verwysings[wysig | wysig bron]

  1. "argiefkopie". Geargiveer vanaf die oorspronklike op 14 Desember 2013. Besoek op 12 Februarie 2014.
  2. BBC NEWS | Africa | De Klerk killer 'gets life'
  3. Marike's millions go to kids Geargiveer 8 November 2014 op Wayback Machine News 24. 4 Januarie 2002