Marjorie Boulton

in Wikipedia, die vrye ensiklopedie
Weergawe deur SpesBona (besprekings | bydraes) op 19:45, 4 Desember 2017 (R.I.P.)
Marjorie Boulton
’n Beeld van die betrokke persoonlikheid.
Marjorie Boulton in 1962

Geboorte (1924-05-07)7 Mei 1924
Sterfte 30 Augustus 2017 (op 93)
Nasionaliteit Vlag van Verenigde Koninkryk Verenigde Koninkryk
Beroep Digter en skrywer
Eerbewyse Erelid van UEA
Bekende werke Faktoj kaj fantazioj

Marjorie Boulton (7 Mei 1924 – 30 Augustus 2017) was 'n Britse skrywer en digter wat beide in Engels en Esperanto geskryf het.[1]

Lewensloop

Marjorie Boulton het Engelse letterkunde by 'n onderwyserkollege onderrig en was vir lank die prinsipaal van die vroue-normaalskool, Charlotte Mason College in Noordwes-Engeland, voordat sy haar tot voltydse navorsing en skryfwerk gewend het. Sy is 'n bekende skrywer in Esperanto. Boulton was in haar latere jare president van twee Esperanto-organisasies: Kat-amikaro[2] en ODES.[3]

Sy het haar doktorsgraad in 1976 te Oxford behaal met 'n proefskrif oor die Engelse romanskrywer en dramaturg Charles Reade.

Nadat sy Esperanto in 1949 aangeleer het, het sy reeds in 1951 haar eerste gedig “Marborda ŝtono” (Strandklip) geskryf. Sedert 1952 het sy 22 pryse en prysenswaardige vermeldings in die Universele Esperanto-Assosiasie (UEA) se Skonekunste Wedstryde vir gedigte, prosa en toneelstukke ontvang. Haar eerste digbundel het in 1955 verskyn, gevolg deur verdere digbundels, dramabundels en nie-fiksie boeke. Haar werke is na Engels, Hongaars, Italiaans, Kroaties, Japannees, Litaus, Pools, Portugees, Roemeens, Sloweens, Oekraïens en Viëtnamees vertaal. Die Esperanto PEN-Sentrum het haar verskeie maal as kandidaat vir die Nobelprys vir Letterkunde benoem. Haar gevorderde bloemlesing “Faktoj kaj fantazioj” (Feite en fantasieë) was in 1984 uitgegee en is een van die meesverkoopte boeke in UEA se boekediens.

Marjorie Boulton was 'n lid die Akademio de Esperanto vir 50 jaar vanaf 1967 tot met haar afsterwe in 2017. Sy was sedert 1985 'n erelid van UEA.

Bibliografie

Outeur van Zamenhof: Creator of Esperanto — 'n biografie oor L. L. Zamenhof in 1960 uitgegee deur Routledge & Kegan Paul te Londen — sy het 'n wydgebruikte reeks van inleidende tekste oor letterkundige studies geskryf: The Anatomy of Poetry (1953), The Anatomy of Prose (1954), The Anatomy of Drama (1960), The Anatomy of Language (1968), The Anatomy of the Novel (1975) en The Anatomy of Literary Studies (1980). Haar eerste boek was: Preliminaries: Poems (1949). Later digbundels, sowel as versamelings van kortverhale, was in Esperanto, wat sy in 1949 aangeleer het.[1] Sy het die volgende geskryf: Saying What We Mean (1959), Words in Real Life (1965) en Reading in Real Life (1971).

Geskrifte in Esperanto

  • Kontralte – Altstemlik (1955)
  • Kvarpieda kamerado – Viervoetige kameraad (1956)
  • Cent gxojkantoj – Eenhonderd vreugeliedere (1957)
  • Eroj kaj aliaj – Ditjies en datjies (1959)
  • Virino cxe la landlimo – Vrou by die landsgrens (1959)
  • Zamenhof, auxtoro de Esperanto – Zamenhof, outeur van Esperanto (1962)
  • Dek du piedetoj – Twaalf pootjies (1964)
  • Okuloj – Oë (1967)
  • Nia sango: teatrajxo por ok personoj – Ons bloed: teaterstuk vir agt persone (1970)
  • Ni aktoras: tri komedietoj – Ons speel toneel: drie komedietjies (1971)
  • Rimleteroj korespondajxoj kun William Auld – Rymbriewe – korrespondensie met William Auld (1976)
  • Poeto fajrokora: la verkaro de Julio Baghy – Vuurhartige digter: die versamelde werke van Julio Baghy (1983)
  • Faktoj kaj fantazioj – Feite en fantasieë (1984)
  • Ne nur leteroj al plum-amikoj: Esperanta literaturo – fenomeno unika – Nie net briewe aan penvriende nie: Esperanto-letterkunde – 'n unieke verskynsel (1984)
  • Du el – Twee vanuit (1985)

Literatuurwetenskaplike titels

  • Anatomy of Drama Routledge (1968)
  • Anatomy of Poetry Routledge (1968)
  • Anatomy of Language Routledge (1968)
  • The Anatomy of the Novel Routledge (1991)
  • Reading for Real Life Macmillan (1971)
  • The Anatomy of Literary Studies: An Introduction to the Study of English Literature Routledge (1980)

Verwysings

  1. 1,0 1,1 Marjorie Boulton: a brief biography
  2. Starto 5/1996 (172)
  3. "Oxford and District Esperanto Society". Geargiveer vanaf die oorspronklike op 27 Oktober 2009. Besoek op 7 Oktober 2010. {{cite web}}: Onbekende parameter |deadurl= geïgnoreer (hulp)

Eksterne skakels