Marta Gómez
Marta Gómez | |
|---|---|
 Marta Gómez in 2013 | |
| Agtergrondinligting | |
| Gebore | 11 September 1978 Girardot, Cundinamarca, Colombia |
| Beroep(e) | Sangeres |
| Instrumente | Stem, kitaar |
| Jare aktief | 1999-nou |
Marta Gómez is 'n Colombiaanse sangeres en liedjieskryfster. Sy ontvang 'n beurs vir beste prestasie en verwerf 'n graad met lof van die Berklee College of Music. Sy woon in Barcelona, Spanje. Gómez en haar groep voer 'n groot repertoire van liedjies met 'n mengsel van ritmes van Latynse jazz tot folk-Latyns-Amerikaanse musiek uit. Sy word in 2004 vir 'n Billboard-toekenning vir Latynse jazz-album van die jaar genomineer.[1] In 2014 wen sy 'n Latynse Grammy-toekenning vir beste Latynse kinderalbum vir Coloreando: Traditional Songs for Children in Spanish.[2] In 2010 stel sy die album Afri-Spaans vry wat Spaanse interpretasies van gewilde Afrikaanse liedjies bevat, waaronder Valiant Swart se "Sonvanger". In 2011 verskyn Afri-Spaans 2 wat nog Spaanse weergawes van Afrikaanse liedjies bevat, onder andere "Sproetjies" van Sias Reinecke. In 2014 komponeer sy die liedjie "Para la guerra nada" na aanleiding van die eskalerende konflik tussen Israel en Palestina. In 2017 sing sy hierdie liedjie by die wêreldspitsberaad van El Testigo oor die werk van die Colombiaanse fotograaf Jésus Abad Colorado. Hierdie liedjie word in 2020 in 'n geïllustreerde boek omskep waarin die vredesgees die protagonis is.[3]
Diskografie
[wysig | wysig bron]- Marta Gómez (2001)[4]
- Sólo es vivir (2003)
- Cantos de Agua Dulce (2004)
- Entre Cada Palabra (2006)
- Musiquita (2009)
- Afri-Spaans (2010)
- Afri-Spaans 2 (2011)
- El corazón y el sombrero (2011)
- Canciones de Luna (2011)
- De Colores (2013)
- Este instante (2014)
- Canciones de Sol (2016)
- la alegria y el canto (2018)
Verwysings
[wysig | wysig bron]- ↑ "Marta Gómez - Entre Cada Palabra". Geargiveer vanaf die oorspronklike op 3 Maart 2016. Besoek op 28 Julie 2025.
- ↑ "17a Entrega Anual del Latin GRAMMY". Latin GRAMMYs. Besoek op 17 Januarie 2017.
- ↑ "Marta Gómez inicia la gira «Para la guerra nada»". CANCIONEROS.COM (in Spaans). Besoek op 16 November 2022.
- ↑ "Album (jazz)", Oxford Music Online (Oxford University Press), 2003, doi:10.1093/gmo/9781561592630.article.j005300, http://dx.doi.org/10.1093/gmo/9781561592630.article.j005300, besoek op 2022-11-19
Eksterne skakels
[wysig | wysig bron]| Internasionaal | |
|---|---|
| Nasionaal | |
| Kunstenaars | |
| Mense | |
