Mary Renault

in Wikipedia, die vrye ensiklopedie
Jump to navigation Jump to search
Mary Renault
Geboortenaam Eileen Mary Challans[1]
Gebore (1905-09-04)4 September 1905
Forest Gate, Essex, Engeland
Oorlede 13 Desember 1983 (op 78)
Kaapstad, Suid-Afrika
Nasionaliteit Vlag van Verenigde Koninkryk Verenigde Koninkryk
Ouers Frank Challans
Mary Clementine Newsome Baxter Challans
Alma mater St Hugh's College, Oxford
Beroep Romanskrywer, historikus, verpleegster
Huweliksmaat Julie Mullard

Mary Renault (4 September 1905 – 13 Desember 1983) is die skrywersnaam van Mary Challans. Sy was 'n leerling van Clifton High School in Bristol, waarna sy verder aan die St. Hugh's College en Radcliffe Infirmary in Oxford gestudeer het.

Sy het haar opleiding as verpleegster in 1937 voltooi. Van 1939 af en gedurende die Tweede Wêreldoorlog het sy as verpleegster gewerk, maar terselfdertyd ook begin skryf. Haar eerste roman, The purposes of love, het reeds in 1939 verskyn. Na die oorlog het sy verskeie reise onderneem, onder meer na Griekeland en Kreta, voordat sy haar in 1948 in Suid-Afrika gevestig het. As romanskryfster het sy bekend geword veral vanweë haar uitbeelding van die Klassieke tyd en die lewe in die Oudheid.

Die drie romans The last of the wine (1956). The king must die (1958) en The bull from the sea (1962) handel al drie oor die Griekse verlede en is al drie deur die kritici geloof vanweë die korrektheid van die historiese detail daarin vervat. In 1966 het The mask of Apollo gevolg.

Sy het haar biografie van Alexander die Grote in Fire from heaven (1970) begin en die Silver Pen Award van P.E.N. International in 1971 daarvoor ontvang. Sy het die biografie voortgesit in The Persian boy (1972). wat later een van haar beste verkopers geword het. Renault het, afgesien van 'n aantal ander romans met 'n Klassieke tema, ook enkele romans met ’n hedendaagse en oorlogstema geskryf.

Sy sterf op 13 Desember 1983 in Kaapstad.

Verwysings[wysig | wysig bron]

  1. (en) "Discover - St Hugh's College, Oxford".

Bronnelys[wysig | wysig bron]

Eksterne skakels[wysig | wysig bron]