Masayoshi Ōhira

Masayoshi Ōhira (Japannees: 大平 正芳, Ōhira Masayoshi, 12 Maart 1910 – 12 Junie 1980) was 'n Japannese politikus wat vanaf 1978 tot sy dood in 1980 as Eerste minister van Japan gedien het.

Ōhira het vanaf 1936 in die Ministerie van Finansies gewerk en was die private sekretaris van Hayato Ikeda, die minister van finansies van 1949 tot 1952. Ōhira is vir die eerste keer in 1952 tot die Kokkai verkies, en het gedien as minister van buitelandse sake in Ikeda se kabinet en vanaf 1962 tot 1964, en as minister van internasionale handel en nywerheid van 1968 tot 1970 onder Eisaku Satō.

Hy het Ikeda se faksie van die Liberaaldemokratiese Party oorgeneem en later as minister van buitelandse sake gedien van 1972 tot 1974 onder Kakuei Tanaka en as minister van finansies van 1974 tot 1976 onder Takeo Miki. Hy het Takeo Foekoeda opgevolg as LDP-president en eerste minister in 1978.

Nadat sy regering in 'n wantrouestemming verslaan is, het Ōhira besluit om eerder die 1980-verkiesing uit te roep as om te bedank, maar is skielik aan 'n hartaanval dood. Hy is die mees onlangse Japanse premier wat in sy amp gesterf het.

Eksterne skakels

• Wikimedia Commons het meer media in die kategorie Masayoshi Ōhira.