Massamoord

Mutsuo Toi, 'n 21-jarige wat 30 mense, insluitende sy ouma, op 21 Mei 1938 met 'n haelgeweer, Japannese swaard en 'n byl vermoor het. Na die massamoord het hy homself om die lewe gebring.

'n Massamoord is 'n daad wat gepleeg word deur 'n persoon wat 'n klomp ander mense vermoor. Volgens die Amerikaanse Kongres se definisie verwys massamoord na die moord op drie of meer mense sonder enige afkoeltydperk tussenin. Hierdie moorde vind dus op dieselfde tyd, of in 'n relatief kort periode plaas. Wanneer daar 'n afkoeltydperk tussen moorde is, is die term reeksmoordenaar meer gebruiklik.

Massamoord kan deur 'n persoon of 'n groep (soos 'n terroristegroep of regering) gepleeg word. In baie gevalle is die moordenaar geestelik versteurd. Soms pleeg so 'n moordenaar selfmoord, of word deur die polisie vermoor.

Massamoordenaars

Enkele voorbeelde ter illustrasie:

• Anatoli Onoprijenko, bekend as die Ondier van Oekraïne, het 52 mense doodgemaak.
• Anders Behring Breivik vermoor 77 mense in Oslo en op die vakansie-eiland Utoeya