Matam, Haifa
.jpg)
| Land | Israel |
|---|---|
| Geografiese ligging | 32°47′19″N 34°57′33″E |
| Amptelike webwerf | http://www.matam.co.il/ |
Matam (Hebreeus מת"ם - מרכז תעשיות מדע Merkaz Ta'asiyot Mada, geleë by die suidelike ingang van Haifa, is die grootste en oudste toegewyde hoëtegnologiepark in Israel. Die park is 'n internasionale tegnologiesentrum, met van die wêreld se voorste hoëtegnologie-maatskappye wat navorsing en ontwikkelingsfasiliteite instand hou, insluitend Amazon.com, Intel, Microsoft, Yahoo!, Philips, Google, Qualcomm, CSR, NDS Group, Elbit Systems, Apple Inc., Plus500, Matrix, Aladdin Knowledge Systems, NetManage, ProcessGene en Neustar.[1]
Ligging[wysig | wysig bron]
Die park is geleë op 'n hoofweg, tussen snelweg 2 en snelweg 4, en naby die openbare vervoermiddelpunt van die Carmel Beach-treinstasie en Sentrale Busstasie. Die Carmel Tonnels se westelike portale, wat in Desember 2010 geopen is, bied maklike toegang per motor tot die park vanaf gebiede noord en oos van Haifa.
Geskiedenis[wysig | wysig bron]
Matam Park is in die 1970's deur die Haifa Economic Corporation gestig, en is sedertdien geleidelik uitgebrei. Een van die eerste huurders in die park was Intel, wat sy Haifa-navorsing en ontwikkelingsentrum in 1974 hier opgerig het, en het vandag meer as 5 000 werknemers in Matam. Vandag word die park 51% besit deur Gav-Yam Bayside Land Corporation en 49% deur die Haifa Economic Corporation. [2]
Beskrywing[wysig | wysig bron]
Matam Park is 'n ingeslote kampus, wat 'n area van ongeveer 220 000 vierkante meter beslaan met byna 8 000 werknemers. Die Park se sentrale bestuur- en onderhoudsmaatskappy verskaf verskeie dienste aan huurders, soos sentrale lugreëling, kafeterias, kinderdagsorg, 'n mediese kliniek, vervoerfasiliteite, 'n poskantoor, vulstasie en parkeerareas.[1]
Verwysings[wysig | wysig bron]
- ↑ 1,0 1,1 MATAM Park - About us Geargiveer 27 Mei 2010 op Wayback Machine
- ↑ Haifa Economic Corporation - About Us Geargiveer 24 September 2015 op Wayback Machine
| Hierdie artikel is in sy geheel of gedeeltelik vanuit die Engelse Wikipedia vertaal. |
