Matthias Sammer
 Sammer in 2013 | |||
| Persoonlike inligting | |||
|---|---|---|---|
| Geboortedatum | 5 September 1967 | ||
| Geboorteplek | Dresden, Oos-Duitsland | ||
| Lengte | 1,81 m[1] | ||
| Speelposisie | Verdedigende middelvelder, libero | ||
| Jeugloopbaan | |||
| 1976–1985 | Dynamo Dresden | ||
| Seniorloopbaan* | |||
| Jare | Span | Kere† | (Doele)† |
| 1985–1990 | Dynamo Dresden | 102 | (39) |
| 1990–1992 | VfB Stuttgart | 63 | (20) |
| 1992–1993 | Inter Milaan | 11 | (4) |
| 1993–1998 | Borussia Dortmund | 115 | (21) |
| Totaal | 291 | (84) | |
| Nasionale span | |||
| 1986–1990 | Oos-Duitsland | 23 | (6) |
| 1990–1997 | Duitsland | 51 | (8) |
| Spanne bestuur | |||
| 2000–2004 | Borussia Dortmund | ||
| 2004–2005 | VfB Stuttgart | ||
| 2012–2016 | Bayern München (sportdirekteur) | ||
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Matthias Sammer (gebore 5 September 1967) is ’n Duitse voormalige sokkerspeler en -afrigter. Hy het as ’n verdedigende middelvelder gespeel en later in sy loopbaan as ’n libero.[2][3][4][5][6]
Loopbaan
[wysig | wysig bron]Spelerloopbaan
[wysig | wysig bron]Sammer het sy loopbaan by Dynamo Dresden begin toe hy in 1976 as ’n negejarige by die klub se jeugspan aangesluit het. Hy het sy debuut vir die senior span gemaak onder die bestuur van sy vader, Klaus Sammer, in die 1985/86-seisoen.[7]
In die 1988/89-seisoen was Sammer deel van die Dynamo Dresden-span wat die Oos-Duitse kampioenskap gewen het. In dieselfde seisoen het die klub ook die halfeindronde van die UEFA-beker gehaal, waar hulle deur die Wes-Duitse klub VfB Stuttgart uitgeskakel is. Die volgende jaar het Dynamo Dresden die liga- en bekerdubbel gewen deur die DDR-Oberliga-titel suksesvol te verdedig en ook die Oos-Duitse Beker te wen.
As speler vir Dynamo Dresden was Sammer amptelik ’n offisier van die Oos-Duitse Volkspolisie, en hy het hom as ’n 19-jarige by die Feliks Dzerzjinski-wagregiment aangesluit, wat die paramilitêre vleuel van die (Stasi) was. Hy het sy diens by die wagregiment beskryf as ’n alibi om sokker vir Dynamo Dresden te speel.[8]
In die somer van 1990 het Sammer by VfB Stuttgart aangesluit. Sammer het 11 doele in sy debuutseisoen aangeteken terwyl Stuttgart sesde in die Bundesliga geëindig het.
Die volgende jaar het Sammer nege doele aangeteken en VfB Stuttgart gehelp om die eerste kampioene van die herenigde Duitsland te word.
Na twee seisoene by VfB Stuttgart het Sammer by die Italiaanse klub Inter Milaan aangesluit. Alhoewel hy sukses op die veld behaal het en vier keer in 11 verskynings aangeteken het—insluitend ’n doel teen Juventus in die Derby d’Italia—het Sammer nie by die Italiaanse leefstyl aangepas nie en in Januarie 1993 na Duitsland teruggekeer.
Met Borussia Dortmund het Sammer die Bundesliga en DFB-Superbeker in 1995 gewen, die Bundesliga, DFB-Superbeker en Europese Sokkerspeler van die Jaar in 1996, en die Champions League en Interkontinentale Beker in 1997.
Hy het daarna ’n ernstige kniebesering opgedoen waarvan hy nie herstel het nie, en het in 1998 afgetree.[9]
Internasionale loopbaan
[wysig | wysig bron]Op 12 September 1990 was Sammer die kaptein van die Oos-Duitse nasionale span in sy laaste wedstryd. Hy het albei doele aangeteken toe die Oos-Duitse nasionale span België met 2–0 geklop het in Brussel.[10] Hy was dus nie toegelaat om aan die 1990 Wêreldbeker-toernooi deel te neem nie, waar Wes-Duitsland wêreldkampioene geword het. Hy was egter deel van die verenigde Duitse nasionale span wat die UEFA Euro 1996 gewen het, waar hy as speler van die toernooi aangewys is, en hy is later daardie jaar met die Ballon d’Or bekroon.[11]
Sammer het uitgetree met ’n totaal van 74 internasionale wedstryde, 23 vir Oos-Duitsland en 51 vir die verenigde span. Bekend vir sy uitstaande verdedigende vaardighede—insluitend sy vermoë om die spel te lees, onderskeppings te maak en doeltreffend te takel—word Sammer beskou as een van die grootste verdedigers van alle tye.
Afrigter en administrateur
[wysig | wysig bron]Ná sy spelersloopbaan het hy ’n kort afrigtersloopbaan begin, waar hy daarin geslaag het om die Bundesliga in 2002 met Borussia Dortmund te wen, en ook die span in dieselfde jaar tot die eindstryd van die UEFA-beker gelei het.[12]
Hy het ook as sportdirekteur vir Bayern Münichen gewerk.[13]
Verwysings
[wysig | wysig bron]- ↑ "Matthias Sammer – Spielerprofil – DFB" (in Duits). dfb.de. Besoek op 18 Oktober 2020.
- ↑ Bradley, Cain (26 Februarie 2017). "Forgotten Superstars-Matthias Sammer". The False 9. Besoek op 8 Junie 2021.
- ↑ Whitney, Clark (4 Oktober 2013). "The 20 Most Intimidating Defenders in Bundesliga History". Bleacher Report. Besoek op 8 Junie 2021.
- ↑ Valdiserri, Luca. "SAMMER, Matthias in "Enciclopedia dello Sport"" (in Italiaans). treccani.it. Besoek op 8 Junie 2021.
- ↑ "Key Player – Matthias Sammer". BBC News. 3 Mei 1998. Besoek op 8 Junie 2021.
- ↑ "From skinny striker to world-class sweeper". bundesliga.com. Besoek op 8 Junie 2021.[dooie skakel]
- ↑ Wittmann, Gerry (2 Julie 2012). "Sammer replaces Nerlinger at Bayern München". bundesligafanatic. Geargiveer vanaf die oorspronklike op 16 Februarie 2013. Besoek op 30 Maart 2013.
- ↑ Leimert, Jochen (21 Desember 2017). "Dynamo und die Stasi: Warum Matthias Sammer nur zwei Tage "diente"". Sportbuzzer (in Duits). Hannover: Sportbuzzer GmbH. Geargiveer vanaf die oorspronklike op 23 Desember 2017. Besoek op 25 Desember 2012.
- ↑ "Euro Legends: Matthias Sammer". 26 Mei 2012. Geargiveer vanaf die oorspronklike op 19 April 2013. Besoek op 30 Maart 2013.
- ↑ Mansel, Tim (28 Desember 2015). "The East German team that refused to die". BBC. Besoek op 28 Desember 2015.
- ↑ Pierrend, José Luis (26 Maart 2005). "European Footballer of the Year ("Ballon d'Or") 1996". RSSSF. Geargiveer vanaf die oorspronklike op 14 Maart 2013. Besoek op 12 November 2013.
- ↑ "Matthias Sammer wird neuer Chef-Coach". kicker (in Duits). 30 Mei 2000. Besoek op 30 Januarie 2013.
- ↑ "Matthias Sammer appointed Sport Director". FC Bayern Munich. 2 Julie 2012. Besoek op 2 Julie 2012.
