Max Basson
Max Basson is 'n Suid-Afrikaanse skrywer[1] en hy skryf verskeie romans.
Lewe en skryfwerk[wysig | wysig bron]
Die plaas “Barnardsrus” is reeds vir baie geslagte in die besit van die Barnards, met die opdrag van die grondlegger dat dit geslag vir geslag deur die Barnards bewerk moet word en dan beter nagelaat word aan een uitgesoekte Barnard wat die beste toegerus is om die plaas te versorg. Die wewenaar Armand Barnard het vier seuns. Hulle is die ingenieur Tobie, Chris en Rudolf wat beide landbougrade het en uitgeknip is vir boer, en Stefan wat nog op skool is. Die dogters is Lize wat die huishouding behartig en getroud is met Johan Erasmus, diereversorger op die plaas, en Manda wat nog op hoërskool is. Almal is hartstogtelik lief vir die plaas en dit gaan baie wysheid kos om die plaas aan die regte Barnard te oorhandig. Die staatsamptenaar Albert du Toit arriveer egter op die dorp en gee kennis van die regering se voorneme om grond aan te koop vir konsolidasie met 'n swart tuisland ter uitvoering van die apartheidsbeleid. 'n Groot deel van Barnardsrus is vir hierdie doel geoormerk. In “Die Dapa-erflating” word Ferdi Morkel se lewe eensklaps op sy kop omgekeer. Sy oom Daniël maak aan hom die offer van die erflating van Morkelsvlei en die voortsetting van die beroemde Dapa-stoetery, wat groot rykdom sal beteken. Sy pa het egter nooit melding gemaak van sy broer Daniël nie, het Morkelsvlei meer as dertig jaar gelede verlaat en is hewig ontsteld wanneer hy van hierdie verwikkelinge hoor. Op Morkelsvlei is daar ook Donna Bonzet, wat vas oortuig was daarvan dat sy Morkelsvlei sal erf, totdat oom Daniël van Ferdi se bestaan bewus geword het. “Katrin” leef van kleinsaf in die skadu van haar ouer suster Ilse. Sy kom ook in opstand teen haar familie se standbewuste en hooghartige omgang met ander. By haar baas Ulrich leer sy lewenswaarhede aan, soos dat materiële dinge nie noodsaaklik is vir geluk nie. Wanneer haar familie dan deur oormatige uiterlike vertoon in finansiële verknorsing beland, kom Katrin tot hulle redding. Sy het egter groter uitdagings wat op haar wag.
Publikasies[wysig | wysig bron]
- 1976 Barnardsrus
- 1978 Die Dapa-erflating
- 1981 Katrin
- 1987 Addie van die Terebinte