Maxi Schoeman
M.M.E. (Maxi) Schoeman (29 November 1954-14 September 2025) was ‘n politieke wetenskap professor aan die Universiteit van Pretoria (UP). Sy het as Hoof van die Departement Politieke Wetenskappe en daarna as Adjunkdekaan in beheer van Nagraadse Studies in die Fakulteit Geesteswetenskappe aan die UP gedien.[1]
Opleiding
[wysig | wysig bron]Schoeman behaal ‘n MA in Politieke Wetenskap aan die Randse Afrikaanse Universiteit (RAU) (nou die Universiteit van Johannesburg) en haar PhD in Internasionale Betrekkinge aan die Universiteit van Wallis in Aberystwyth.[2]
Loopbaan
[wysig | wysig bron]Schoeman het in 2000 by die UP aangesluit en as professor en hoof van die Departement Politieke Wetenskappe gedien. Sy het ook as voorsitter van die Kern Sosiale Wetenskappe-groep in die Fakulteit Geesteswetenskappe gedien. Sy was 'n lid van die Universiteitsraad en 'n adjunkprofessor in die Skool vir Openbare Beleid aan die George Mason-universiteit in die Verenigde State. In 2016 is sy aangestel as adjunkdekaan: nagraadse studies en etiek by die Fakulteit Geesteswetenskappe (Universiteit van Pretoria).
Sy het navorsingsgenootskappe by die Universiteit van Cambridge (1995/96), die Kopenhagen Vredesnavorsingsinstituut (2001), die Dag Hammarskjöld-stigting (2009) en die Nordiese Afrika-instituut (2009) beklee. Sy is bekroon met die 2014 Claude Ake Besoekende Leerstoel aan die Universiteit van Uppsala. Sy het gaslesings en seminare aangebied by, onder andere, die universiteite van Kopenhagen, Aalborg, Konstanz, Indiana en Beijing.
Sy het noue navorsingsbande met die Afrika-leierskapsentrum in Nairobi en die Kofi Annan Internasionale Vredesbewaring-opleidingsentrum in Accra gehandhaaf. Schoeman was 'n lid van die Adviesraad van die Afrika-vredesnetwerk van die Sosiale Wetenskappe-navorsingsraad in New York, adjunkvoorsitter van die Instituut vir Globale Dialoog en 'n trustee van die Instituut vir Veiligheidstudies. Sy het gedien op die redaksierade van verskeie plaaslike en internasionale tydskrifte op die gebied van internasionale betrekkinge.[2]
Geselekteerde publikasies
[wysig | wysig bron]- 2017: Special focus on the South African Nation Brand, Strategic Review for Southern Africa, 39(1) (mede-redakteur).
- 2015: South Africa’s symbolic hegemony in Africa, International Politics, 52, mede-outeur.
- 2015: South Africa as an emerging power: from label to status consistency?, South African Journal of International Affairs 22 (4).
- 2015: Alliances Beyond BRICS, South African Journal of International Affairs, 22(2) (gas-redakteur).
- 2015: South Africa’s symbolic hegemony in Africa, International Politics, 52 (mede-outeur).
- 2013: South Africa’s foreign policy: challenges and constraints, Welt Trends, 21, September/Oktober (mede-outeur).
- 2013: South Africa in the company of giants: the search for leadership in a transforming global order, International Affairs, 89(1) (mede-outeur).
- 2013: Regional integration, regionalism and regionalisation in Africa; an imagined reality? in Candice Moore (red), Regional integration and social cohesion: perspectives from the Developing World, Brussel: Peter Lang.
- 2013: Foreign policy and the military: in service of reconstruction and development? in Theo Neethling and Heidi Hudson (reds), Post-conflict reconstruction and development in Africa: concepts, role-players, policy and practice, Kaapstad: UCT Press.
Verwysings
[wysig | wysig bron]- ↑ Universitiet Pretoria, 15 September 2025, Fakulteit Geesteswetenskappe Nuus. Professor Maxi Schoeman (1954-2025): A Distinguished Scholar of Security Studies and International Relations. https://www.up.ac.za/faculty-of-humanities/news/post_3347433-professor-maxi-schoeman-1954-2025-a-distinguished-scholar-of-security-studies-and-international-relations[dooie skakel] . Besoek 15 September 2025.
- 1 2 University of Pretoria, Communications, Faculty of Humanities, Professor Maxi Schoeman, https://www.up.ac.za/political-sciences/article/1820153/professor-maxi-schoeman. Besoek 15 September 2025.
