Mayfair, Johannesburg

in Wikipedia, die vrye ensiklopedie
Jump to navigation Jump to search
Mayfair
H.V. Agtste Laan en Kerkstraat
H.V. Agtste Laan en Kerkstraat
Ligging van Mayfair op 'n kaart (Gauteng)
Mayfair
Mayfair
 Mayfair se ligging in Gauteng
Koördinate: 26°12′15″S 28°0′41″O / 26.20417°S 28.01139°O / -26.20417; 28.01139Koördinate: 26°12′15″S 28°0′41″O / 26.20417°S 28.01139°O / -26.20417; 28.01139
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Oppervlak[1]
 - Voorstad 1,64 km²  (0,6 vk m)
Bevolking (2011)[1]
 - Voorstad 12 027
 - Digtheid 7 334/km² (18 995/myl2)
Rasverdeling (2011)[1]
 • Blank 1.5%
 • Indiër/Asiër 51.9%
 • Kleurling 4.1%
 • Swart 31.9%
Taal (2011)[1]
 • Engels 56.3%
 • Afrikaans 4.2%
 • Tswana 3.4%
 • Zoeloe 3.1%
 • Ander 33.0%
Die destydse Gereformeerde gemeente Johannesburg-Mayfair se kerkgebou by Thorastraat 5 (Sesde Laan), Mayfair. Mayfair is 'n voormalige blanke groepsgebied en was dekades lank oorwegend Afrikaans, maar die wit bevolking het afgeneem van 450 in 2001 tot 177 in 2011.
Die kerkgebou van die ou NG gemeente Fordsburg in Vierde Laan vorm nou deel van 'n moskee.
Die gebou van die eertydse NG gemeente Mayfair in Agtste Laan, Mayfair.

Mayfair is 'n voorstad van Johannesburg, Suid-Afrika. Dit is in Johannesburg se F-streek geleë.

Die voorstad is 4 km wes van die stadsaal geleë. Dit word geskei deur die spoorlyn na Krugersdorp. In die weste word Mayfair begrens deur Mayfair-Wes. Mayfair is aangelê op die plaas Langlaagte no. 258, waarvan die mineraleregte in 1886 deur J.B. Robinson gekoop is. Die goewermentslandmeter M.C. Vos het die buurt opgemeet en die eerste erwe is op 24 Mei 1896 verkoop. Robinson het sy hoofkwartier hier gehad toe dit meestal kaal veld was en sy eerste verdiepingkantoorgebou hier opgerig. Langermanstraat is genoem na sy algemene bestuurder, wat gekeer het dat die Robinson-myngroep hom in vereenselwig met die Reform Committee. Die voorstad is bes moontlik genoem na die bekende voorstad in Londen.

Hoewel Mayfair ingevolge die Groepsgebiedewet 'n blanke woongebied was, het die Indiese bevolking reeds voor die einde van apartheid skerp begin toeneem sodat dié bevolkingsgroep, tesame met Moslem-immigrante uit die res van Afrika, teen 2011 die meerderheid van die bevolking uitgemaak het.

Apartheid[wysig | wysig bron]

Dis ironies dat die kerkraad van die NG gemeente Fordsburg, in wie se gemeentegrense ook Mayfair geval het, reeds voor 1920 begin bekommerd raak het oor die “snel-toenemende Indiër-indringing” in Fordsburg. Die eerste stap om die middelpunt van die gemeente uit Fordsburg te verskuif, was die bou van die pastorie en saal in Mayfair in 1929, maar toe die ou kerkgebou in die jare dertig reeds “aan alle kante deur die Asiaat ingesluit was”, het dit ’n dringende saak geword. Omdat daar nog skuld van sowat £2 000 op die nuwe geboue in Mayfair gerus het, het die kerkraad in Junie 1934 besluit om eers te wag met ’n voorstel van ’n ouderling dat die kerkgebou verskuif word, tot dié skuld gedelg is. In Oktober 1937 is die saak weer op ’n kerkraadsvergadering geopper en dié keer benoem hy ’n kommissie om die saak deeglik te ondersoek. Hoewel die kommissie in 1938 aanbeveel het dat die kerk op ’n oop stuk grond in Mayfair gebou moes word, het die kerkraad besluit om te wag totdat die volgende predikant eers bevestig was. Eindelik is die nuwe kerkgebou, in Vierdelaan, Mayfair, in April 1940 ingewy.

Nadat Mayfair en Fordsburg tot blanke groepsgebiede verklaar is, is die [[NG gemeente Mayfair) in 1953 van Fordsburg afgestig met sy kerkgebou in Agtstelaan, suid van die spoorlyn en in omgewing waar die kerkraad van Fordsburg vroeër gekla het oor die "Indiër-indringing". Dié gemeente het net tot 1976 bestaan.

Ook die Gereformeerde kerk Johannesburg (later genoem Johannesburg-Mayfair]] het oorspronklik sy kerk in Fordsburg gehad. Omstreeks die 1930's is 'n kerkgebou opgerig in Brixton, maar eindelik het die gemeente in die vroeë 1960's na Sesdelaan, Mayfair, ook noord van die spoorlyn, verskuif.

Bron[wysig | wysig bron]

  • (en) Potgieter, D.J. (hoofred.) 1974. Standard Encyclopaedia of Southern Africa, Volume 7. Cape Town: Nasionale Opvoedkundige Uitgewery Ltd.
  • (af) Smit, ds. A.P. 1948. Ons Kerk in die Goudstad (1887–1947). Kaapstad: Kerkrade van Johannesburg, Fordsburg, Johannesburg-Oos en Jeppestown.

Verwysings[wysig | wysig bron]

  1. 1,0 1,1 1,2 1,3 Subplek Mayfair”. Sensus 2011.

Sien ook[wysig | wysig bron]


Flag of Johannesburg.svg Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.