Mazowedam
| Mazowedam | |
|---|---|
| Ligging | naby Harare |
| Provinsie/Land | Masjonaland, Zimbabwe |
| Koördinate | 17°31′18″S 30°59′19″O / 17.52167°S 30.98861°O |
| Dam in | Mazowerivier |
| Doel | Besproeiing |
| Soort dam | Gravitasiedam |
| Hoogte van wal | 37 m |
| Lengte van wal | 163 m |
| Bakmaat | 35 miljoen m³ |
| Reservoir | Mazowedam |
| Damoppervlak | 1,8 km² |
Die Mazowedam is die enigste dam in die Mazowerivier in Zimbabwe.
Die dam is 35 km noord van Harare, oos van die A11-hoofweg in die sentrale deel van Masjonaland, by 17°31′18″S 30°59′19″O / 17.52167°S 30.98861°O. Dit is in 1920 deur die British South Africa Company gebou om besproeiingswater aan lemoenplase te verskaf.
In 1961 is die damwal verhoog tot 37 m en 'n lengte van 163 m. Dit het nou 'n bakmaat van 35 miljoen m³ en vorm 'n meer van 1,8 km² as dit vol is. Dit verskaf water aan 1 600 ha (16 km²) landbougrond.
Erge droogte
[wysig | wysig bron]Weens heersende droogtes was die dam in die laaste dekades (1984-85 en weer in 1996) dikwels byna leeg. Dit het die potensiaal vir boerdery onder besproeiing erg benadeel.
Watersport
[wysig | wysig bron]Andersins is dit ook vir watersport gebruik. Die dam was die tuiste van die Hunyani Roeiklub en het voorheen geriewe gebied vir St. Georges, Prince Edward, Arundel en ander roeiklubs.