McDonnell Douglas A-4 Skyhawk

in Wikipedia, die vrye ensiklopedie
Jump to navigation Jump to search
McDonnell Douglas A-4 Skyhawk
Douglas A-4E Skyhawk of VA-164 in flight over Vietnam on 21 November 1967 (6430101).jpg
'n V.S.A. Vloot A-4E Skyhawk van VA-164, vanaf die USS Oriskany oppad om 'n teiken aan te val in Noord-Viëtnam in November 1967.
Tipe Strategiese bomwerper
Vervaardiger McDonnell Douglas
Ontwerp deur Ed Heineman
Nooiensvlug 22 Junie 1954
Hoofgebruiker Amerikaanse Vloot
Vervaardig 1954–1979
Aantal gebou 2 960
Programkoste -

Die McDonnell Douglas A-4 Skyhawk was 'n liggewig bomwerper wat op vliegdekskepe gebruik kon word. As gevolg van sy grootte was die vliegtuig koste-effektief en oor 'n tydperk van 25 jaar vervaardig. Dit was ook the scooter of Heineman's Hot Rod genoem. Laasgenoemde is 'n verwysing na die ontwerper, Ed Heineman. Heineman was besig met 'n kompakte, straalaangedrewe ontwerp toe die Amerikaanse Vloot dit geëvalueer het. Hierdie model was bekend as die XA4D-1. Dit was die eerste van nege prototipes en het op 22 Junie 1954 sy nooiensvlug voltooi. Daarna het die ontwikkeling vinnig gevorder en het dit die Douglas A-1 Skyraider vervang. Dit is deur die Amerikaanse Vloot en Mariene Korps gebruik asook verskeie nasies. In kort was die vliegtuig 'n kragtige aanvalsbomwerper wat op hoë hoogte kon vlieg, dit het 'n lang togafstand gehad en 'n verskeidenheid bomme en missiele gedra.

Produksie van die A-4 het in September 1956 begin en die eerste vliegtuie is aan die vloot se VA-72 eskader afgelewer op 26 Oktober 1956. Omrede dit klein was kon die vliegtuig op 'n vliegdekskip gebruik word sonder dat die vlerke moes opvou. Dit was ongeveer die helfte van die gewig van sy voorgangers wat dit vervang het en kon teen 1089 km/h op seevlak vlieg. Die vliegtuie gebruik deur Amerika kon kernwapens dra.

Die vliegtuig is algaande verbeter soos die stralermotors sterker en sterker geword het. Die eerste A-C modelle is aangedryf deur die Wright J65 motor, wat eindelik die British Armstrong Siddely Sapphire motor was wat onder lisensie vervaardig is. Die 4-AC is gevolg deur die A-4E wat swaarder was en aangedryf deur die Pratt & Whitney J52 motor. Die A-4F was die laaste model wat in diens gestel is deur die vloot. Dit het 'n boggel op die rug gehad waar ekstra toerusting geïnstalleer is.

Die laaste ontwikkeling was model A-4M, ook bekend as die Skyhawk II. Dit was spesiaal ontwikkel vir die Mariene Korps. Dit het vir die eerste keer in 1970 gevlieg en het onder andere 'n groter kajuit gehad vir beter sig. Dit kon ook met twee keer die gewig opstyg teenoor die eerste modelle. Hierdie vliegtuig was aangedryf deur die J52-P-408 motor. Dit is vervaardig tot in 1979. Die Amerikaanse Vloot se vlugdemonstrasie-eskader, die Blue Angels, het die vliegtuig gebruik vanaf 1974 tot 1986.

Die Skyhawk was die eerste keer in aksie op 4 Augustus 1964 met die eerste aanvalle op Noord-Viëtnam. Die A-4's het gou beide die Vloot en Mariene Korps se kleiner bomaanvalle oor Viëtnam behartig. Skyhawk's was ook diens van die Argentynse, Australiaanse, Israeli, Koeweit, Singapoer, Indonesië, Maleisië en Nieu-Seeland se lugmagte waar van hulle tot na 2000 in diens was.

Skyhawks van die Argentynse Lugmag het in 1982 aan die Falklandoorlog deelgeneem teen die Britse Magte. Op 12 Mei het Skyhwaks die HMS Glasgow uit aksie gestel en op 21 Mei het hulle die Britse landingsmagte aangeval by San Carlos. Op 25 Mei het hulle die HMS Coventry aangeval en gekelder. Hulle het egter tien Skyhawks verloor in die proses.

Die Skyhawk is gebruik in die rolprent Topgun.

Tegniese besonderhede[wysig | wysig bron]

Besonderhede van die McDonnell Douglas A-4M Skyhawk II:
Item Statistiek
Aantal motors 1
Tipe motor Straalmotor
Vervaardiger Pratt & Whitney J52-p408
Kraglewering per motor 4 156 kg stukrag
Vlerkspan 8,38 m
Lengte 12,27 m
Hoogte 4,5 m
Vlerkoppervlakte 24,2 m2
Maks. opstygmassa 11 123 kg
Maks. snelheid 1,100 km/h
Operasionele hoogte 11 803m
Togafstand 1 480km
Klimvermoë 3 1427 m per minuut
Bewapening Twee 20 mm kanonne in vlerke. Tot 4,156 kg se bomme of
lug-tot-grond of lug-tot-lug missiele.

Bron[wysig | wysig bron]