Medupi Kragsentrale

in Wikipedia, die vrye ensiklopedie
Spring na: navigasie, soek
Medupi Kragsentrale is geleë in Suid-Afrika
Medupi
Ligging van die Medupi Kragsentrale

Die Medupi Kragsentrale is 'n nuwe droogverkoelde steenkool kragsentrale wat vir Eskom gebou word naby Lephalale in die Limpopo provinsie, Suid-Afrika. Wanneer dit voltooi is, sal die kragsentrale uit ses ketels wat elkeen 800 MW turbines aandryf bestaan, en altesaam 4 800 MW elektrisiteit produseer. Dit sal die grootse droogverkoelde en vierde grootste steenkool-kragsentrale ter wêreld wees.[1][2] Die kontrak om die ketels te voorsien is met Hitachi gesluit, en Alstom sal die stoomturbines vir die aanleg voorsien.[3] Teen 'n bedrag van R33,6 miljard is hierdie die grootste kontrak wat Eskom nog aangegaan het. Die ketels sal super-krities wees, wat die algehele doeltreffendheid van die kragsentrale verbeter.[4]

Steenkool vir Medupi sal voorsien word vanaf Exxaro se Grootgeluk steenkoolmyn, noord van die bouterrein. Eskom het 'n kontrak met Exxaro gesluit om vir die volgende 40 jaar 14,6 megaton steenkool per jaar te lewer.[5] Die eerste eenheid sal vroeg in 2012 in bedryf gestel word, met die opvolgende eenhede teen intervalle van 9 maande. Daar word verwag dat die kragsentrale se totale koste R100 miljard sal beloop.[6]

Die oprig van die kragsentrale het wydverspreide kritiek in Suid-Afrika uitgelok.[7] Die regering, wat deur die ANC gelei word, is daarvan beskuldig dat die projek gedryf word omdat die ANC 'n 25% belang in die onderneming het, en dat die party 'n wins na aan R1 miljard uit die verhandelings sal bekom. Ondersteuners van die projek argumenteer dat die aanleg nodig is vir die lewensbelangrike elektrisiteitsvoorsiening aan Suid-Afrika in die langtermyn.[8] Sommiges het uitgewys dat dit die effektiewe bestuur van Suid-Afrika se steenkool reserwes is wat eintlik nodig is, eerder as nog 'n nie-omgewingsvriendelike kragsentrale.[9] Die goedkeuring van die Wêreldbank se lening aan Eskom vir die voltooiing van die kragsentrale is wêreldwyd gekritiseer omdat die bou van die kragsentrale die omgewing sou knou en omdat die projek Suid-Afrika, wat reeds 'n armoede-probleem het, sal pootjie met 'n skuldlas.[10]

Daar is reeds op 8 Junie 2012 begin om die eerste ketel te toets.[11]

In Julie 2013 is aangekondig dat Medupi met ongeveer ses maande vertraag is en dat koste ook buitensporig verhoog het en kommentators het op die ekonomiese impak gewys. [12] [13]

Bronne[wysig]

Koördinate: 23°42′S 27°33′O