MeerKAT

in Wikipedia, die vrye ensiklopedie
Jump to navigation Jump to search
MeerKAT
’n MeerKAT-tipe skottel.
’n MeerKAT-tipe skottel.
Ander naam  Karoo Array Telescope
Sterrewag  Suid-Afrikaanse Radiosterrekunde
Tipe  Radio-interferometer
Organisasie  Departement van Wetenskap en Tegnologie
Nasionale Navorsingstigting van Suid-Afrika
Eerste lig  16 Julie 2016
Getal teleskope  64
Webtuiste  www.ska.ac.za/meerkat
Ligging
Plek  Noord-Kaap, Suid-Afrika
Koördinate  30°43′16″S 21°24′40″O / 30.72111°S 21.41111°O / -30.72111; 21.41111
Tegniese besonderhede
Deursnee  13,5 m
Golflengte  3 cm (10,0 GHz) – 30 cm (1 000 MHz)
Portaal  Portaalicoon   Sterrekunde

MeerKAT, oorspronklik die Karoo Array Telescope, is ’n radioteleskoop in die Noord-Kaap, Suid-Afrika. Dit is die grootste en sensitiefste radioteleskoop in die Suidelike Halfrond totdat die Square Kilometre Array (SKA) omstreeks 2024 voltooi is.[1] Die teleskoop sal gebruik word vir navorsing oor kosmiese magnetisme, die evolusie van sterrestelsels, die grootste strukture in die heelal, donker materie en die aard van kortstondige radiobronne.[1] Dit sal ook dien as ’n tegnologiese demonstrasie vir Suid-Afrika se bod om die Square Kilometer Array te huisves.[2] Die eerste lig was op 16 Julie 2016.[3] Teen Mei 2018 was al 64 antennas met ’n deursnee van 13,5 meter voltooi en dit ondergaan tans verifikasietoetse.[4]

MeerKAT is op 13 Julie 2018 deur die adjunkpresident van Suid-Afrika, David Mabuza, en die minister van wetenskap en tegnologie, Mmamoloko Kubayi-Ngubane, ingewy.

Spesifikasies[wysig | wysig bron]

MeerKAT bestaan uit 64 skottels met ’n deursnee van 13,5 meter elk.[5] Die stelsel se konfigurasie verskaf die beste optiese werking en sensitiwiteit, uitstekende beeldgehalte en goeie uitskakeling van ongewensde radiofrekwensiesteurings van satelliete en aardgebonde senders. Dit vergemaklik ook die installering van veelvuldige ontvangerstelsels in die primêre en sekondêre fokusareas en is die verwysingsontwerp vir die middelband-SKA-konsep.[6]

MeerKAT se 64 skottels is oor twee komponente versprei:

  • ’n digte binneste komponent met 70% van die skottels.
  • ’n buitenste komponent met 30% van die skottels.

In fase 2 sal sewe bykomende antennas bygevoeg word om die langste basislyne tot sowat 20 km te verleng.

Verwysings[wysig | wysig bron]

  1. 1,0 1,1 About MeerKAT”. SKA South Africa. URL besoek op 30 Junie 2009.
  2. Campbell, Keith (3 April 2009). “An array of technology spin-offs emerges as the 'MeerKAT' radio telescope gains traction”. Martin Creamer Engineering News. URL besoek op 30 Junie 2009.
  3. "MeerKAT joins the ranks of the world's great scientific instruments through its First Light image". SKA Africa. 16 Julie 2016. Besoek op 28 Julie 2016. 
  4. Tshangela, Lebo (16 Mei 2018). "MeerKAT telescope is complete". SABC News. Besoek op 25 Mei 2018. 
  5. SKA Africa eNews”. SKA South Africa Project. URL besoek op 27 Oktober 2010.
  6. MeerKAT Concept Design Review”. MeerKAT. URL besoek op 1 Oktober 2010.

Eksterne skakels[wysig | wysig bron]