Mercedes-Benz W120/W121

in Wikipedia, die vrye ensiklopedie
Jump to navigation Jump to search
Mercedes-Benz free logo.svg  Mercedes-Benz W120/W121
Mercedes 180 2 v sst.jpg
Mercedes-Benz 180b (W120)
Oorsig
Vervaardiger Daimler-Benz
Produksie 1953–1962
442 963 vervaardig
Montering
Bakwerk en onderstel
Klas Uitvoerende motor (E-segment)
Bakstyl 4-deur sedan
Uitleg Voorenjin, agterwielaandrywing
Spesifikasies
Lengte 180: 4460 mm
180 a/190: 4485 mm
180 b/c, 190 b: 4500 mm
Breedte 1740 mm
Hoogte 1560 mm
Massa 1150 kg—1220 kg
Asafstand 2650 mm
Plek in geskiedenis
Voorganger Mercedes-Benz W136/W191
Opvolger Mercedes-Benz W110
Variante Mercedes-Benz W105219
Mercedes-Benz W180220a/S
Mercedes-Benz W128220SE

Die Mercedes-Benz W120 was 'n Inlynviersilinder sedan wat in 1953 deur Mercedes-Benz vrygestel is. Dit is aanvanklik aangedryf deur die maatskappy se bestaande M136-enjin van 1,8 liter, en is as die Mercedes-Benz 180 verkoop tot in 1962.

Die Mercedes-Benz W121 is in 1956 bekendgestel, aangedryf deur 'n 1,9 liter M121-enjin. Dit was tot 1961 as die Mercedes-Benz 190 op die mark.

Die 41 kW (55 pk) M136-enjin uit die Mercedes-Benz 170 Sb is tot 1957 vir die 180 gebruik, toe dit 'n makker weergawe van die 190 se M121-enjin ontvang het.

Verskeie dieselenjin-180s is van 1953 tot 1962 vervaardig.

Die paar is dikwels na verwys as die "Pontons" van Mercedes se reeks tydens hul produksie. Tesame met die meer luukse en ietwat groter 2,2-liter-sessilinder Mercedes-Benz W128 220, vorm hulle tussen 1953 en 1959 80% van Mercedes-Benz se produksie.[2]

In werklikheid was dit die eerste voorganger van die mediumgrootte Mercedes-Benz E-klas sedanreeks.

Geskiedenis[wysig | wysig bron]

Die 180-190- en W128/W180 220-220S Ponton-modelle het baie dieselfde gelyk van die voorruit af agtertoe, as die ietwat langer 220- 220S-220SE-inlynsessilindermodelle. Van agteraf sou 'n mens nie eens die top-220SE (E vir Einspritzung, of brandstofinspuiting) maklik van 'n 180 kon onderskei nie, maar die langer enjinkap (en wielbasis) en chroomafwerking het dit as 'n luukse sessilindermodel geïdentifiseer. Die vlagskip van die Adenauer-onderneming, die Mercedes-Benz 300 W186 van 1951 tot 1957 het 'n veel groter raam en bakwerk gebruik en was 'n heeltemal ander motor.

Die 180-190 viersilinders is wyd gebruik as Duitse taxi's. Slegs hierdie korter Pontons het parkeerliggies met 'n lae wattuur aan die voor- en agterbuffer gehad. 'n Eenvoudige links-regs-skakelaar bo die knie van die bestuurder het gekies watter kant verlig sou word, om nie die battery onnodig in die winter te laat afloop nie, 'n wesentlike probleem vir die aansit van diesels. Die luginnames van die verwarmer was slegs by die 120/121 aan weerskante van die verkoelerrooster.

Sedert 1957[wysig | wysig bron]

Die bakvorm van die motor het min verander tydens sy produksieloop. Maar in 1957, 'n jaar na die bekendstelling van die 190-saloon, is die Mercedes-ster bo-op die fopverkoelerdop veerbelaai om mee te gee as aan dit gestamp word: dit óf was om aan die vereistes van sekere uitvoermarkte, veral Switserland, te voldoen of om die risiko van voetgangerbeserings te verminder in die geval van 'n ongeluk.[3] Teen 1959 word die ster op 'n veerbelaaide balbasis regop gehou.

'n Verwante roadster-variant, die 190SL, is van 1955 tot 1963 vervaardig.

Mercedes-Benz 180 (W120)
Vir die 1960-modeljaar het die motor 'n groter sierrooster ontvang.

Modelle[wysig | wysig bron]

Model Onderstelkode Jaar Tipe Enjin Aantal gebou[4]
W120 sedan W120.010 1953–1957 180 1.8 L M136 I4 52 186
1957–1959 180a 1.9 L M121 I4 27 353
1959–1961 180b 29 415
1961–1962 180c 9 280
W120.110 1953–1959 180D 1.8 L OM636 Diesel I4 116 485
1959–1961 180Db 24 676
1961–1962 180Dc 1.8 L OM621 Diesel I4 11 822
W121 sedan W121.010 1956–1959 190 1.9 L M121 I4 61 345
1959–1961 190b 1.9 L M121 I4 28 463
W121.110 1958–1959 190D 1.9 L Diesel I4 20 629
1959–1961 190Db 1.9 L OM621 Diesel I4 61 309

Verwysings[wysig | wysig bron]

  1. An Australian Mercedes-Benz? - www.mbspares.com.au Besoek op 31 Oktober 2012
  2. Morelli-Bertier (1998-12-17). "Raisonnable passion". Rétro Hebdo (in Frans).AS1-onderhoud: onerkende taal (link)
  3. Simoneit, Ferdinand, red. (1977). Vor 20 Jahren: Auto Motor u. Sport in Heft 23 und 24 / 1957 [20 years ago: AMS in issues 23 and 24, 1957]. Auto Motor und Sport (in Duits). Stuttgart: Vereinigte Motor-Verlag GmbH & Co KG. p. 6.
  4. volgens: Werner Oswald: Deutsche Autos 1945-1990, vol.5. Motorbuch Verlag, Stuttgart 2001, ISBN 3-613-02131-5, p. 32.

Eksterne skakels[wysig | wysig bron]