Meridiana

in Wikipedia, die vrye ensiklopedie
Jump to navigation Jump to search
Meridiana
Emoji u2b55.svg
Meridiana se ligging (in die rooi sirkel).
Meridiana se ligging (in die rooi sirkel).
Sterrebeeld Suidelike Kroon
Bayer-naam Alpha Coronae Australis
Spektraaltipe A2 Va
Soort Hoofreeksster
Waarnemingsdata (Epog J2000)
Regte klimming 19h 09m 28.34097s[1]
Deklinasie -37° 54′ 16.1022″[1]
Skynmagnitude (m) 4,102[2]
Absolute magnitude (M) 1,11[3]
B-V-kleurindeks  +0,04
U-B-kleurindeks  +0,06
Besonderhede
Massa (M) 2,3[4]
Radius (R) 2,3[4]
Ligsterkte (L) 31[4]
Ouderdom (jaar) 254 miljoen[2]
Temperatuur (K) 9 100[4]
Rotasiespoed (km/s) 195[5]
Ander name
Alpha Coronae Australis, α CrA, CD−38° 13350, HR 7254, HD 178253, FK5 718, HIP 94114, SAO 210990, GC 26360, IRAS 19060-3759, 2MASS J19092834-3754157
Portaal  Portaalicoon   Sterrekunde

Meridiana (ook Alpha Coronae Australis of α CrA genoem) is die helderste ster in die sterrebeeld Suidelike Kroon (Corona Australis) en is sowat 125 ligjare van die Son af.

Naam[wysig | wysig bron]

Die ster se Bayer-naam is "Alpha Coronae Australis". Dit is die enigste ster in die sterrebeeld met ’n tradisionele eienaam, "Alphekka Meridiana" (Latyn vir "Alphekka-Suid"), na Alphecca, die helderste ster in die Noordelike Kroon. Die naam "Alphecca" of "Alphekka" is Arabies, kort vir نير الفكّة nayyir al-fakka, "die helder (ster) van die gebroke (ring sterre)".[6] Die naam "Meridiana" is op 5 September 2017 deur die Internasionale Astronomiese Unie se sternaamwerkgroep (WGSN) vir die ster goedgekeur. [7]

Eienskappe[wysig | wysig bron]

Meridiana se spektraaltipe is A2 Va en dit is dus ’n A-tipe ster, nes Vega. Nes Vega, het dit ’n oormaat infrarooistraling, wat daarop dui dat dit deur ’n skyf stof omring word.[4] Dit het ’n skynbare magnitude van 4,1 en sy massa en radius is na raming 2,3 keer dié van die Son. Met ’n oppervlaktemperatuur van rofweg 9 100 K is sy ligsterkte 31 keer die Son s'n.[4] Meridiana is rofweg 254 miljoen jaar oud.[2] Dit roteer vinnig, teen amper 200 km/s by die ewenaar, en maak ’n volledige rotasie in sowat 14 uur,[5] naby aan sy opbreekspoed.

Verwysings[wysig | wysig bron]

  1. 1,0 1,1 Van Leeuwen, F. (November 2007). “Validation of the new Hipparcos reduction”. Astronomy and Astrophysics 474 (2): 653–664. doi:10.1051/0004-6361:20078357.
  2. 2,0 2,1 2,2 Song, Inseok et al. (Februarie 2001), "Ages of A-Type Vega-like Stars from uvbyβ Photometry", The Astrophysical Journal 546 (1): 352–357, doi:10.1086/318269, Bibcode2001ApJ...546..352S 
  3. "α Coronae Australis (star)". Wolfram Alpha. Besoek op 2012-09-02. 
  4. 4,0 4,1 4,2 4,3 4,4 4,5 Kaler, James B. "Alfecca Meridiana (Alpha Coronae Australis)". Stars. University of Illinois. Besoek op 2012-09-02. 
  5. 5,0 5,1 Royer, F. (Februarie 2007). “Rotational velocities of A-type stars. III. Velocity distributions”. Astronomy and Astrophysics 463 (2): 671–682. doi:10.1051/0004-6361:20065224.
  6. Allen, Richard Hinckley (1963) [1899]. Star Names: Their Lore and Meaning (Herdruk uitg.). New York, NY: Dover Publications Inc. pp. 172–73. ISBN 0-486-21079-0. 
  7. "Naming Stars". IAU.org. Besoek op 16 Desember 2017. 

Eksterne skakels[wysig | wysig bron]

Koördinate: Sky map 19h 09m 28.34097s, −37° 54′ 16.1022″