Messerschmitt
 |
Messerschmitt AG was 'n Duitse aandeel-eienaarskapbeperkte, vliegtuigvervaardigingskorporasie vernoem na sy hoofontwerper Willy Messerschmitt vanaf middel Julie 1938, en hoofsaaklik bekend vir sy Tweede Wêreldoorlogse vegvliegtuie, veral die Messerschmitt Bf 109 en Me 262. Die maatskappy het in die na-oorlogse era oorleef, 'n aantal samesmeltings ondergaan en sy naam van Messerschmitt na Messerschmitt-Bölkow-Blohm verander voordat dit in 1989 deur Deutsche Aerospace (DASA, nou deel van Airbus) gekoop is.
Gedurende die Tweede Wêreldoorlog
[wysig | wysig bron]Gedurende die oorlog het Messerschmitt 'n groot ontwerpverskaffer geword, hul Messerschmitt Bf 109 en Bf 110 het die oorgrote meerderheid van vegterkragte vir die eerste helfte van die oorlog gevorm. Verskeie ander ontwerpe is ook bestel, insluitend die enorme Me 321 Gigant -vervoersweeftuig, en sy sesmotorige opvolger, die Me 323. Vir die tweede helfte van die oorlog het Messerschmitt hom egter byna geheel en al na straalaangedrewe ontwerpe gewend, wat die wêreld se eerste operasionele straalvegvliegtuig, die Me 262 Schwalbe ("Swael") vervaardig het. Hulle het ook die DFS-ontwerpte Me 163 Komet vervaardig, die eerste vuurpylaangedrewe ontwerp wat in diens geneem is. Messerschmitt het sterk op slawearbeid staatgemaak om baie van die onderdele te vervaardig wat nodig was vir hierdie vliegtuie gedurende die tweede helfte van die Tweede Wêreldoorlog; hierdie onderdele is saamgestel in 'n enorme tonnelstelsel in Sankt Georgen an der Gusen, Oostenryk. Slawearbeid is verskaf deur gevangenes van die wrede KZ Gusen I- en Gusen II-kampe, en deur gevangenes van die nabygeleë Mauthausen-konsentrasiekamp, almal naby die St. Gorgen-groewe geleë. 40 000 gevangenes van Spanje, Italië, Pole, Slowenië, Frankryk, Rusland, Hongaarse Jode en twintig ander nasionaliteite is tydens die vervaardiging van hierdie vliegtuie by KZ Gusen vermoor. Messerschmitt-amptenare het kaserne by die konsentrasiekamp onderhou om toesig te hou oor die werk wat deur die gevangenes gedoen word. Messerschmitt, en sy uitvoerende hoof, Willy Messerschmitt, het ook die befaamde Villa Tugendhat in Brno, Tsjeggië, beset, ontwerp deur Mies van der Rohe en Lilly Reich in die 1920's; die Messerschmitt-vliegtuigfabriekkantoor en die Gestapo het die eiendom gedurende die oorlog beset.
Terugkeer na lugvaart
[wysig | wysig bron]Op 6 Junie 1968 het Messerschmitt AG saamgesmelt met die klein siviele ingenieurs- en burgerlugvaartfirma Bölkow en Messerschmitt-Bölkow geword. Die volgende Mei het die firma Hamburger Flugzeugbau (HFB) verkry. Die maatskappy het toe sy naam verander na Messerschmitt-Bölkow-Blohm (MBB). In 1989 is MBB deur DASA oorgeneem. DASA het later as "EADS Germany" bedryf, wat nou as Airbus bekendstaan.
Notas
[wysig | wysig bron]- Nota: Hierdie artikel is deur Aliwal2012 uit die Engelse Wikipedia vertaal.
