Mesut Özil
 Özil in 2019 | |||
| Persoonlike inligting | |||
|---|---|---|---|
| Geboortedatum | 15 Oktober 1988[1] | ||
| Geboorteplek | Gelsenkirchen, Wes-Duitsland | ||
| Lengte | 1,80 m[2] | ||
| Speelposisie | Aanvallende middelveldspeler | ||
| Jeugloopbaan | |||
| 1995–1998 | Westfalia 04 Gelsenkirchen | ||
| 1998–1999 | Teutonia Schalke-Nord | ||
| 1999–2000 | Falke Gelsenkirchen | ||
| 2000–2005 | Rot-Weiss Essen | ||
| 2005–2006 | Schalke 04 | ||
| Seniorloopbaan* | |||
| Jare | Span | Kere† | (Doele)† |
| 2005 | Schalke 04 II | 1 | (0) |
| 2006–2008 | Schalke 04 | 30 | (0) |
| 2008–2010 | Werder Bremen | 71 | (13) |
| 2010–2013 | Real Madrid | 105 | (19) |
| 2013–2021 | Arsenal | 184 | (33) |
| 2021–2022 | Fenerbahçe | 32 | (8) |
| 2022–2023 | İstanbul Başakşehir | 4 | (0) |
| Totaal | 427 | (73) | |
| Nasionale span | |||
| 2006–2007 | Duitsland o/19 | 11 | (4) |
| 2007–2009 | Duitsland o/21 | 16 | (5) |
| 2009–2018 | Duitsland | 92 | (23) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Mesut Özil (gebore 15 Oktober 1988) is ’n Duitse voormalige professionele sokkerspeler van Turkse afkoms wat as ’n aanvallende middelveldspeler gespeel het. Hy is bekend vir sy balbeheer, tegniese vaardighede, kreatiwiteit, pasvermoë en visie, en word wyd beskou as een van die beste middelveldspelers en spelmakers van sy generasie.[3][4][5]
Özil is in Gelsenkirchen gebore en grootgeword, en het sy seniorklubloopbaan begin by sy tuisdorp se klub, Schalke 04, voordat hy in 2008, op 19-jarige ouderdom, by Werder Bremen aangesluit het. Ná hy die DFB-Pokal in sy eerste seisoen gewen het, het sy individuele vertonings gelei tot ’n oorgang na Real Madrid in 2010.[6] Daar het hy gehelp om die klub ’n La Liga-titel te laat wen, en was hy vir drie opeenvolgende seisoene die speler met die meeste assists in die liga.[7] In 2013 het Özil by Arsenal aangesluit vir ’n oordrag ter waarde van tot £42,5 miljoen (€50 miljoen), wat hom die duurste Duitse speler ooit op daardie stadium gemaak het. Dit was ook die klub se rekordoordragfooi tot in 2017.[8] In Engeland het hy vier FA-bekers gewen en gehelp om Arsenal se negejaar trofeëdroogte te beëindig, terwyl hy die tweede meeste assists in ’n Premier League-seisoen (19) aangeteken het. In 2021 het Özil op ’n gratis oordrag by Fenerbahçe aangesluit; ná sy kontrak met die klub in 2022 beëindig is, het hy by İstanbul Başakşehir aangesluit voordat hy in 2023 afgetree het.
Özil was vir meer as nege jaar ’n Duitse internasionale speler en hou die rekord vir die meeste toekennings as Duitse Nasionale Span Speler van die Jaar (vyf keer).[9] Hy het in 2009, op 20-jarige ouderdom, sy debuut vir die Duitse nasionale span gemaak en aan vyf groot toernooie deelgeneem. Hy was die speler met die meeste assists by die 2010 FIFA Wêreldbeker en die Europese Sokkerkampioenskap in 2012, waar hy gehelp het om Duitsland twee keer tot in die halfeindronde te bring. Özil het gehelp om Duitsland die 2014 FIFA Wêreldbeker te laat wen, maar het in 2018 uit internasionale kompetisie getree, nadat hy beweer het dat hy diskriminasie en disrespek van die Duitse Sokkerbond (DFB) en die Duitse media ervaar het.
Na sy speelloopbaan het Özil noue bande met die Turkse president Recep Tayyip Erdoğan en Turkye se regerende AK-party ontwikkel.[10]
Verwysings
[wysig | wysig bron]- ↑ "Mesut Özil: Overview". Premier League. Geargiveer vanaf die oorspronklike op 2 April 2022. Besoek op 27 Junie 2020.
- ↑ "Mesut Özil". Arsenal F.C. Geargiveer vanaf die oorspronklike op 20 April 2020.
- ↑ "The 11 best midfielders in the world". fourfourtwo.com (in American English). 31 Desember 2015. Besoek op 4 September 2023.
- ↑ "10 Greatest Playmakers in Football Since 2006". 90min.com (in Engels). 22 Februarie 2021. Geargiveer vanaf die oorspronklike op 4 September 2023. Besoek op 4 September 2023.
- ↑ "Mourinho: Ozil will make history at Real". espnstar.com. 26 Mei 2012. Geargiveer vanaf die oorspronklike op 28 Junie 2012. Besoek op 26 Mei 2012.
- ↑ "The top 10 assists leaders in Europe for 2010⁄11". imscouting.com. 30 Mei 2011. Geargiveer vanaf die oorspronklike op 29 Mei 2012. Besoek op 13 Mei 2012.
- ↑ "Spanish La Liga". ESPN Soccernat. Geargiveer vanaf die oorspronklike op 18 Julie 2012. Besoek op 13 Mei 2012.
- ↑ "Mesut Ozil: Arsenal sign Real Madrid midfielder for £42.4m". BBC Sport. 2 September 2013.
- ↑ Mamrud, Roberto (21 Julie 2023). "Mesut Özil - Goals in International Matches". Rec.Sport.Soccer Statistics Foundation. Besoek op 24 Julie 2023.
- ↑ "Özil in Vorstand der Erdogan-Partei gewählt". zdfheute.de (in Duits). 23 Februarie 2025. Besoek op 13 Julie 2025.
