Blombos
(Aangestuur vanaf Metalasia densa)
Blombos | |
---|---|
Wetenskaplike klassifikasie | |
Koninkryk: | |
(geen rang): | |
(geen rang): | |
(geen rang): | |
Orde: | |
Familie: | |
Tribus: | |
Genus: | |
Spesie: | M. densa
|
Binomiale naam | |
Metalasia densa (Lam.) P.O.Karis
|
Die blombos (Metalasia densa) is 'n struik wat tot 2.5 meter hoog word en derhalwe as 'n boom gekategoriseer word. Die struik kom voor in Wes-Kaap, Oos-Kaap, Noord-Kaap, Vrystaat, KwaZulu-Natal, Limpopo, Mpumalanga en Lesotho. Die struik groei in sanderige of klipperige gelyktes en hange.
Dit is 'n geronde struik met wit-wollerige takke. Die blare is dikwels afwaarts gekrom, lansvormig en styf met 'n skerp punt, gedraai en met die rande omgekrul. Die blomhofies kom in plat trosse op die punte van die takke voor. Dit is sonder lintblomme, slegs vyf mm in deursnee en omring deur verskeie rye skutblare met die binnestes kroonblaaragtig op die punte. Die blomme is wit of soms bruin.
Die struik se FSA-nommer is 735.4.[1]
Sien ook[wysig | wysig bron]
Verwysings[wysig | wysig bron]
Bronne[wysig | wysig bron]
- SANBI
- Manning, John: Fotogids tot die Veldblomme van Suid-Afrika. Briza Publikasies. ISBN 978 1 920217 01 3