Mfoeti
| Mfoeti | |
|---|---|
 | |
| Loof en bloeiwyse | |
Wetenskaplike klassifikasie  | |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Fabales |
| Familie: | Fabaceae |
| Genus: | Brachystegia |
| Spesie: | B. boehmii |
| Binomiale naam | |
| Brachystegia boehmii Taub., (1895) | |
| Sinonieme | |
| |
Die mfoeti (Brachystegia boehmii) – ook bekend as die Prins-van-Wallis-vere – is 'n middelgroot tot groot bladwisselende boom wat 'n belangrike en dominante komponent van miombo-boomveld uitmaak. Die spesienaam gedenk die 19de eeuse natuurkundige Richard Böhm,[1] en die tipeligging is in Tabora-distrik van Tanzanië. In Shona staan dit as die mfuti of mupfuti bekend, en in ander inheemse tale as die mubomba (Kaonde, Lamba en Loenda), musamba (Bemba, Kaonde, Lendje en Loenda) of muwombo (Bemba, Loenda, Nianja en Tonga, in Zambië).[2]
Verspreiding
[wysig | wysig bron]Dit is inheems aan die sentrale en noordelike deel van Zimbabwe, die noorde van Botswana asook Angola, Burundi, DR Kongo, Malawi, Mosambiek, Tanzanië, Zambië en Zimbabwe. Dit word tipies in oop boomveld van 900 tot 1600 meter bo seevlak aangetref.
Groeivorm en kenmerke
[wysig | wysig bron]Dit word tipies van 5 tot 15 meter hoog, maar onder gunstige omstandighede kan dit 25 meter bereik. Dit het 'n plat, spreidende kroon. Die jong blare is helderrooi, pienk of koperkleurig, en dié ontwikkel binne die groot, bruin tot karmosynrooi, afwaarts-groeiende steunblare. Volwasse blare is tot 35 cm lank, dofgroen, veeragtig (saamgestel uit 15 tot 30 pinna-pare) en neerhangend. Die pinnas oorvleuel effe en staan soos blindings teen 'n hoek met die blaarvlak. Die groenerige blomme is klein en onopvallend, maar geurig om insekbestuiwers te lok.
Galery
[wysig | wysig bron]
Volwasse loof en peule
Stam en loof
Blaarkroon met hangende loof
Hangende loof
Peule met breë rif aan rugkant van kleppe
Sien ook
[wysig | wysig bron]Bronne
[wysig | wysig bron]- ↑ Umberto Quattrocchi, "CRC World Dictionary of Medicinal and Poisonous Plants"
- ↑ Hyde, Mark; et al. (2026). "Brachystegia boehmii Taub". Flora of Zambia. zambiaflora.com. Besoek op 27 April 2026.
{{cite web}}: Uitdruklike gebruik van et al. in:|first1=(hulp)
- Watter Boom is dit? Eugene Moll 2013 ISBN 978 1 77007 832 1
- Plants of the World Online
Eksterne skakels
[wysig | wysig bron]
Wikimedia Commons het meer media in die kategorie Mfoeti.
Wikispecies het meer inligting verwant aan Mfoeti
