Michael I Rangabe

in Wikipedia, die vrye ensiklopedie
Michael I
Keiser van die Bisantynse Ryk
’n Goue muntstuk wat Michael I uitbeeld, met sy oudste seun en medekeiser, Theophylaktos, op die keersy.
’n Goue muntstuk wat Michael I uitbeeld, met sy oudste seun en medekeiser, Theophylaktos, op die keersy.
Bewind 2 Oktober 811813
Volle naam Michael I Rangabe
Dinastie Nikephoros
Gebore Omstreeks 770
Oorlede 11 Januarie 844
Voorganger Staurakios
Opvolger Leo V
Eggenote Prokopia
Kinders Theophylaktos
Staurakios
Niketas
Georgo
Theophano
Ignatios
Vader Theophylaktos Rangabe

Michael I Rangabe (Grieks: Μιχαῆλ A' Ῥαγγαβέ; omstreeks 770 – 11 Januarie 844) was die Bisantynse keiser van 811 tot 813. Hy was die seun van die patrisiër Theophylaktos Rangabe, admiraal van die Egeïese Vloot, en het getrou met Prokopia, dogter van die toekomstige keiser Nikephoros I Logothetes.

Hy het Nikephoros se rampspoedige veldtog teen die Bulgare in 811 oorleef waarin sy skoonpa dood is en is beskou as ’n meer geskikte kandidaat vir keiser as sy swaar gewonde swaer, Staurakios. Toe Prokopia nie daarin kon slaag om haar broer te oorreed om Michael as sy opvolger te benoem nie, het Michael se ondersteuners Staurakios gedwing om op 2 Oktober 811 te abdikeer.

Michael het ’n beleid van versoening gevolg en Nikephoros se hoë belasting verlaag. Hy het ook baie geld versprei onder die leër, burokrasie en kerk. In 813 het Michael se leër weer die Bulgare aangeval en is hulle verslaan. Dit het die keiser se beeld groot skade berokken. Terwyl teen hom saamgesweer is, het hy ten gunste van Leo V geabdikeer en ’n monnik geword met die naam Athanasios. Sy seuns is gekastreer en na kloosters gestuur, waar Niketas eindelik patriarg Ignatius van Konstantinopel geword het. Michael is in Januarie 844 vreedsaam dood.

Gesin[wysig | wysig bron]

Michael en sy vrou, Prokopia, het minstens vyf kinders gehad:

Bronne[wysig | wysig bron]

  • The Oxford Dictionary of Byzantium, Oxford University Press, 1991.
  • Ostrogorski, G. History of the Byzantine State, Rutgers University Press (Julie 1986)
  • Treadgold, W.A. History of the Byzantine State and Society, Stanford University Press; 1steuitg (1 November 1997)
  • Gregory, T., A History of Byzantium (Blackwell History of the Ancient World), Wiley-Blackwell (11 Maart 2005)

Hierdie artikel is vertaal uit die Engelse Wikipedia