Gaan na inhoud

Michael Romanoff

in Wikipedia, die vrye ensiklopedie
Michael Romanoff
Romanoff omstreeks 1934.
Gebore(1890-02-20)20 Februarie 1890
Litaue
Sterf01 September 1971 (op 81)
Los Angeles, VSA
Ander name
  • Hershel Geguzin
  • Harry F. Gerguson
Beroep
  • Akteur
  • Swendelaar
  • Restaurateur

Harry F. Gerguson (gebore as Hershel Geguzin; 20 Februarie 1890 - 1 September 1971), bekend as Michael Romanoff, was 'n restaurateur, swendelaar en akteur van Hollywood, Los Angeles, wat in Litaue gebore is. Hy word waarskynlik die beste onthou as die eienaar van die destydse restaurant Romanoff's in Beverly Hills wat in die 1940's en '50's gewild was onder Hollywoodsterre.

Hy het beweer hy is lid van Rusland se Huis van Romanof (soms in Engels Romanoff gespel). Dit was deur sy lopbaan bekend dit is nie waar nie, maar koerantberigte het dié swendelary as 'n humoristiese saak hanteer.

As akteur was hy bekend vir sy rolle in die rolprente Hollywood and Vine (1945), Paris Model (1953), Tony Rome (1967) en A Guide for the Married Man (1967).

Agtergrond

[wysig | wysig bron]

The New Yorker het van 29 Oktober 1932 'n reeks van vyf artikels gepubliseer wat Romanoff se geskiedenis nagespeur het van sy geboorte tot in 1932, insluitend dat hy in Mei dié jaar na Frankryk gedeporteer is weens bedrog.

Geguzin het op 10-jarige ouderdom na New York geïmmigreer. Hy het sy naam die een of ander tyd ná 1900 in Harry F. Gerguson verander en het in 1948 met Gloria Lister getrou.

Hy het soms beweer hy is "graaf Gladstone, die seun van William Gladstone", "prins Michael Dimitri Alexandrovich Obolensky-Romanoff", nefie van Nikolaas II,[1] William Wellington of Arthur Wellesley.[2]

Romanoff is in 1971 op 81-jarige ouderdom Los Angeles oorlede.

Die restaurant Romanoff's

[wysig | wysig bron]

Van 1941 tot 1951 was Romanoff's te 326 North Rodeo Drive geleë. In Februarie 1951 het dit na 140 South Rodeo Drive geskuif.[3] Die elegante monogram het bestaan uit 'n kroon op twee hoofletter-R'e rug aan rug. Romanoff het sy klante gewoonlik afgejak[4] en het verkies om alleen saam met sy honde te eet.[1]

Romanoff's het 'n tipiese buiteklubspyskaart gehad met geregte soos slaai, tamaties gevul met kreef, filet mignon, paddabeentjies, Benedicteiers en wors op roosterbrood. Die restaurant was ook bekend vir sy sjokoladesoufflés.[5]

Noedels Romanoff, wat ooreenkomste met bief Stroganoff toon, is 'n gereg van eiernoedels, suurroom en gerasperde parmesaankaas wat in die middel 1950's op Romanoff's se spyskaart verskyn het. Dit was 'n gewilde gereg wat dikwels in berigte oor die restautant genoem is.[5] Later is die resep oorgeneem en as 'n bevrore gereg verkoop.[6] Dit was in die 1960's 'n gewilde bygereg op Amerikaanse eettafels en resepte daarvoor is aanlyn te kry.[7][8][9]

Die restaurant het op oujaarsaand 1962 sy deure gesluit.

Filmografie

[wysig | wysig bron]

Rolprente

[wysig | wysig bron]
  • 1945: Hollywood and Vine
  • 1953: Paris Model
  • 1967: Tony Rome
  • 1967: A Guide for the Married Man

Televisiereekse

[wysig | wysig bron]
  • 1959: Five Fingers

Verwysings

[wysig | wysig bron]
  1. 1 2 "Life Goes to Mike Romanoff's Restaurant". Life. 29 Oktober 1945. pp. 141–45.
  2. ↑ Joseph F. Clarke (1977). Pseudonyms. BCA. p. 142.
  3. ↑ "Mike's Place". Time. 6 November 1950. Geargiveer vanaf die oorspronklike op 31 Julie 2009. Besoek op 12 Mei 2010.
  4. ↑ Herald Examiner Collection (1958). "Bud De Cordova chats with Barbara Stanwyck at Romanoff's". Calisphere. Los Angeles Public Library Photo Collection. Besoek op 29 November 2021.
  5. 1 2 Meares, Hadley (15 Februarie 2012). "Recipes from Romanoffs, Supper Club to the Stars". KCET. Geargiveer vanaf die oorspronklike op 8 Oktober 2012. Besoek op 4 Junie 2023.
  6. ↑ "Stouffers Noodles Romanoff – 12 oz, Nutrition Information". Innit. Geargiveer vanaf die oorspronklike op 29 November 2021. Besoek op 29 November 2021.
  7. ↑ Betty Crocker Kitchens (26 November 2010). "Beef and Noodles Romanoff". BettyCrocker.com (in Engels). General Mills. Besoek op 29 November 2021.
  8. ↑ "Noodles Romanoff". Creamette. Geargiveer vanaf die oorspronklike op 29 November 2021. Besoek op 29 November 2021.
  9. ↑ "Noodles Romanoff". Historic Recipe File (in Engels). Milwaukee Public Library. Besoek op 29 November 2021.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Michael_Romanoff&oldid=2844699"